NBK 111 : బాలయ్య – గోపించంద్ మలినేని సినిమాకు రెండు టైటిల్స్ లాక్

‘గాడ్ ఆఫ్ మాసెస్’ నందమూరి బాలకృష్ణ, మాస్ డైరెక్టర్ గోపీచంద్ మలినేని కాంబినేషన్‌లో వస్తున్న క్రేజీ ప్రాజెక్ట్ NBK111. ‘వీరసింహారెడ్డి’ వంటి బ్లాక్‌బస్టర్ హిట్ తర్వాత వీరి కలయికలో వస్తున్న ఈ హై-వోల్టేజ్ మాస్ యాక్షన్ ఎంటర్‌టైనర్‌పై ఇటు ఇండస్ట్రీలోనూ, అటు అభిమానుల్లోనూ ఇప్పటికే భారీ అంచనాలు నెలకొన్నాయి. బాలయ్య బర్త్ డే కానుకగా రిలీజ్ చేసిన గ్లిమ్స్ తో సినిమాపై అంచనాలు ఓ రేంజ్ కు వెళ్లాయి.

తాజాగా ఈ ప్రాజెక్ట్‌కి సంబంధించి టాలీవుడ్ వర్గాల్లో ఒక ఆసక్తికర వార్త తెగ వైరల్ అవుతోంది. ఈ చిత్రానికి మేకర్స్ పవర్‌ఫుల్ మాస్ టైటిల్స్‌ను పరిశీలిస్తున్నట్లు సమాచారం. ప్రస్తుతం ‘GOD’ మరియు ‘DADA’ (దాదా) అనే రెండు మాస్ క్యాచీ టైటిల్స్ చిత్ర బృందం పరిశీలనలో ఉన్నాయి. బాలయ్య ఇమేజ్‌కి, గోపీచంద్ మలినేని మార్క్ యాక్షన్ డ్రామాకి ఈ రెండు పేర్లు పర్ఫెక్ట్‌గా సరిపోతాయని భావిస్తున్నారు. అయితే దాదాపు GOD టైటిల్ ఫిక్స్ అయ్యే అవకాశం అంటున్నారు.  ముంబై నేపథ్యంలో జరిగే గ్యాంగ్ స్టార్ కథాంశంతో రాబోతున్న ఈ సినిమా షూటింగ్ లో బాలయ్య గాయపడడంతో షూటింగ్ కు గ్యాప్ ఇచ్చారు మేకర్స్. సెప్టెంబర్ లేదా అక్టోబర్ స్టార్టింగ్ నుండి బాలయ్య తిరిగి సెట్స్ లో అడుగుపెట్టబోతున్నారు. వృద్ధి సినిమాస్ పతాకంపై వెంకట సతీష్ కిలారు నిర్మిస్తున్న ఈ భారీ బడ్జెట్ చిత్రానికి తమన్ సంగీతం అందిస్తున్నారు. త్వరలోనే ఈ రెండు టైటిల్స్‌లో ఒకదాన్ని ఖరారు చేసి, చిత్ర యూనిట్ అధికారికంగా ప్రకటించే అవకాశం ఉంది. ఈ ఈఏడాది డిసెంబర్ 24న ఈ సినిమా వరల్డ్ వైడ్ గా రిలీజ్ కాబోతుంది.