Tollywood Box Office Disasters : కనీసం పోస్టర్ ఖర్చులు కూడా రాబట్టని ఈ వారం సినిమాలు

ఈ వారం టాలీవుడ్ బాక్సాఫీస్ వద్ద చిన్న సినిమాల జాతర జరిగినప్పటికీ ఫలితం మాత్రం నిరాశాజనకంగా ఉంది. సతీ లీలావతి, రేజర్, M4M, గోదారి గట్టుపైన వంటి చిత్రాలు ఈ శుక్రవారం ప్రేక్షకుల ముందుకు వచ్చాయి. భారీ అంచనాలు లేకపోయినా కనీస వసూళ్లనైనా సాధిస్తాయని ఆశించిన ట్రేడ్ వర్గాలకు ఈ సినిమాలు షాక్ ఇచ్చాయి.

సాధారణంగా వేసవి సెలవుల సీజన్ కావడంతో చిన్న సినిమాలకు ఇది మంచి అవకాశమని భావిస్తారు. కానీ ఈ వారం విడుదలైన ఏ ఒక్క సినిమా కూడా ప్రేక్షకులను థియేటర్లకు రప్పించలేకపోయింది. లావణ్య త్రిపాఠి ప్రధాన పాత్రలో నటించిన ‘సతీ లీలావతి’ కథలో కొత్తదనం లేకపోవడంతో ఆడియన్స్ పెద్దగా ఆసక్తి చూపలేదు. ప్రమోషన్స్ లో కాస్త హడావిడి చేసిన గోదారి గట్టుపైన సినిమా గ్రామీణ నేపథ్యంలో తెరక్కేకగా కమెడియన్ సుదర్శన్ కొంత మేర నవ్వించిన అది వసూళ్ల రూపంలోకి మారలేదు. రేజర్ & M4M ఈ రెండు చిత్రాలు ఎప్పుడు వచ్చాయో, ఎప్పుడు వెళ్ళాయో అసలు ఎందుకు వచ్చాయో కూడా తెలియని విధంగా బాక్సాఫీస్ వద్ద నిశ్శబ్దంగా మిగిలిపోయాయి.పరిస్థితి ఎంత దారుణంగా ఉందంటే చాలా చోట్ల కనీసం పోస్టర్ ఖర్చులు మరియు పబ్లిసిటీ వ్యయం కూడా రాబట్టలేక ఈ సినిమాలు చతికిలపడ్డాయి. ముఖ్యంగా బి, సి సెంటర్లలోని థియేటర్లలో పరిస్థితి మరీ ఘోరంగా ఉంది. కనీస ప్రేక్షకులు లేకపోవడంతో చాలా చోట్ల మార్నింగ్ షోలు మరియు మ్యాట్నీలు రద్దు చేయాల్సిన పరిస్థితి ఏర్పడింది. పెద్ద సినిమాలు లేని ఈ సమయాన్ని వాడుకోవడంలో చిన్న చిత్రాల మేకర్లు విఫలమయ్యారని సినీ విశ్లేషకులు అభిప్రాయపడుతున్నారు.