The Paradise : ‘యెషనాగుల’ వచ్చేస్తోంది.. ‘ది ప్యారడైజ్’లో ఊరమాస్ ట్రీట్

The Paradise : నాచురల్ స్టార్ నాని, మాస్ డైరెక్టర్ శ్రీకాంత్ ఓదెల కాంబినేషన్‌లో వస్తున్న మోస్ట్ అవైటెడ్ పాన్-ఇండియా చిత్రం ‘ది ప్యారడైజ్’. ‘దసరా’ వంటి ఇండస్ట్రీ హిట్ తర్వాత వీరిద్దరి కలయికలో రూపుదిద్దుకుంటున్న రెండవ సినిమా కావడంతో ఈ ప్రాజెక్ట్‌పై ప్రేక్షకుల్లోనూ, పరిశ్రమలోనూ అపారమైన అంచనాలు నెలకొన్నాయి. ఇటీవల విడుదలైన గ్లింప్స్ సినిమాపై అంచనాలను రెట్టింపు చేయగా, తాజాగా చిత్ర బృందం ప్రేక్షకులకు సరికొత్త సర్ ప్రైజ్ ఇస్తూ సెకండ్ సింగిల్ అప్‌డేట్‌ను అధికారికంగా వెల్లడించింది.

దర్శకుడు శ్రీకాంత్ ఓదెల సోషల్ మీడియా ద్వారా పంచుకున్న వివరాల ప్రకారం, ఈ సినిమాలోని #YESHANAGULA (యెషనాగుల) అనే పాటను ఆగస్టు 29న విడుదల చేయడానికి ముహూర్తం ఖరారు చేశారు. ఈ ఊరమాస్ ట్రాక్‌కు సెన్సేషనల్ మ్యూజిక్ డైరెక్టర్ అనిరుధ్ రవిచందర్ బాణీలు అందించారు. ప్రముఖ రచయిత కాసర్ల శ్యామ్ అందించిన సాహిత్యానికి, జంగి రెడ్డి , ప్రభ తమ గొంతుతో ప్రాణం పోశారు. ఈ పాట చిన్న మ్యూజిక్ క్లిప్‌ను శ్రీకాంత్ ఓదెల పంచుకోవడంతోనే సోషల్ మీడియాలో ఒక్కసారిగా రెస్పాన్స్ తుఫానులా మారి, వైరల్‌గా మారింది. అభిమానులు ఇప్పుడు ఆగస్టు 29 కోసం ఆసక్తిగా ఎదురుచూస్తున్నారు.

 

YES, it’s #YESHANAGULA 🔥🔥🔥💥💥

Lyrics: Kasarla Shyam
Singers: Jangi Reddy, Prabha.
Music: Anirudh.

Out on August 29th 🙂 pic.twitter.com/JcwGcYNDZF

— Srikanth Odela (@odela_srikanth) August 27, 2026