The Paradise : ఇంటెన్స్ ఇంటర్వెల్ బ్యాంగ్… ‘ది ప్యారడైజ్’పై బజ్ పెంచే అప్డేట్

The Paradise : ఇంటర్వెల్‌కే థియేటర్ షేక్ అవుతుందా? సినిమా విడుదలకు ఇంకా సమయం ఉన్నా, నాని నటిస్తున్న ‘ది ప్యారడైజ్’ గురించి వస్తున్న ప్రతి అప్‌డేట్ అభిమానుల్లో అంచనాలను మరింత పెంచుతోంది. ఇప్పటికే భారీ బడ్జెట్, విభిన్నమైన కాన్సెప్ట్, పవర్‌ఫుల్ క్యాస్టింగ్‌తో ఈ సినిమా టాలీవుడ్‌లో అత్యంత ఆసక్తిగా ఎదురుచూస్తున్న ప్రాజెక్ట్‌లలో ఒకటిగా నిలిచింది. ఇప్పుడు ఈ చిత్రంలోని ఇంటర్వెల్ బ్లాక్ గురించిన వార్తలు సోషల్ మీడియాలో వైరల్ అవుతున్నాయి. ఆ ఒక్క సీన్ సినిమాకు అతిపెద్ద హైలైట్‌గా నిలుస్తుందనే టాక్ ఇండస్ట్రీలో వినిపిస్తోంది. ‘దసరా’తో దర్శకుడిగా తన ప్రత్యేక ముద్ర వేసిన శ్రీకాంత్ ఓదెల, ఈసారి మరింత భారీ స్థాయిలో ‘ది ప్యారడైజ్’ను తెరకెక్కిస్తున్నారు. నాని కెరీర్‌లోనే అత్యంత ప్రతిష్టాత్మక ప్రాజెక్ట్‌గా భావిస్తున్న ఈ చిత్రంపై మొదటి నుంచి భారీ అంచనాలు నెలకొన్నాయి. సినిమా ప్రకటించినప్పటి నుంచి విడుదలైన పోస్టర్లు, గ్లింప్స్, పాత్రల పరిచయాలు ప్రేక్షకుల్లో ఆసక్తిని పెంచుతూనే ఉన్నాయి.

తాజాగా సినీ వర్గాల్లో వినిపిస్తున్న సమాచారం ప్రకారం, ఈ చిత్రంలోని ఇంటర్వెల్ సీక్వెన్స్‌ను దర్శకుడు ఎంతో ప్రత్యేకంగా డిజైన్ చేశారట. కథను ఒక్కసారిగా కొత్త మలుపు తిప్పేలా, ప్రేక్షకులకు గూస్‌బంప్స్ వచ్చే స్థాయిలో ఈ సన్నివేశాన్ని రూపొందించినట్లు టాక్ వినిపిస్తోంది. యాక్షన్, ఎమోషన్, విజువల్ గ్రాండియర్ అన్నీ కలిసే ఈ ఇంటర్వెల్ బ్లాక్ ఉంటుందని చెబుతున్నారు. ఈ సినిమాలో నాని పూర్తిగా భిన్నమైన పాత్రలో కనిపించనున్నాడని ఇప్పటికే ప్రచారం జరుగుతోంది. మరోవైపు సీనియర్ నటుడు మోహన్ బాబు ప్రతినాయకుడి పాత్ర పోషిస్తున్నట్లు తెలుస్తోంది. నాని, మోహన్ బాబు మధ్య వచ్చే సన్నివేశాలు సినిమాకు హైలెట్ గా నిలుస్తాయని ఇండస్ట్రీ వర్గాలు చెబుతున్నాయి. ఇప్పటికే చాలా భాగం షూటింగ్ పూర్తి చేసుకుంది ఈ మూవీ. అయితే ప్రస్తుతం ఇంటర్వెల్ సీన్ గురించి వస్తున్న సమాచారం అధికారికంగా రాకపోయినా, ఇండస్ట్రీలో సెట్స్ నుంచి వస్తున్న వార్తలు చూస్తుంటే ‘ది ప్యారడైజ్’పై అంచనాలు రోజురోజుకూ పెరుగుతున్నాయి. సినిమా విడుదలైన తర్వాత ఈ ఇంటర్వెల్ బ్లాక్ నిజంగానే ప్రేక్షకులను ఆశ్చర్యపరుస్తుందా లేదా అనేది చూడాలి. ప్రస్తుతం మాత్రం నాని అభిమానుల చూపంతా ఈ ప్రతిష్టాత్మక చిత్రంపైనే నిలిచింది.