Jananayagan : జననాయకుడు కోసం ఆంధ్ర, నైజాంలో విచ్చలవిడిగా థియేటర్స్, షోస్ పరిచేసారు

కోలీవుడ్ దళపతి విజయ్ నటించిన చివరి చిత్రం ‘జన నాయగన్’ తెలుగులో ‘జన నాయకుడుగా రిలీజ్ కాబోతుంది. మరో రెండు రోజుల్లోఈ సినిమా వరల్డ్ వైడ్ గా రిలీజ్ కాబోతుంది. అయితే తెలుగు రాష్ట్రాల్లో ముఖ్యంగా హైదరాబాద్‌లో  ఈ సినిమా భారీ ఎత్తున రిలీజ్ కాబోతుంది. పాపులర్ సింగిల్ స్క్రీన్స్ అన్నిటిని జననాయగన్ కోసం లాక్ చేసారు. తెలుగులో ఈ సినిమాను SVC బ్యానర్ పై దిల్ రాజు రిలీజ్ చేస్తున్నారు. విజయ్‌కి తెలుగునాట ఏ స్థాయి క్రేజ్ ఉందో నిరూపిస్తూ ఎగ్జిబిటర్లు, డిస్ట్రిబ్యూటర్లు ఈ సినిమా కోసం భారీ ఏర్పాట్లు చేస్తున్నారు.

 హైదరాబాద్‌లోని ప్రముఖ మల్టీప్లెక్స్‌లతో పాటు సింగిల్ స్క్రీన్‌లలో కూడా ఉదయం 8 గంటల నుంచే షోలు షెడ్యూల్ చేసారు. ప్రసాద్స్ మల్టీప్లెక్స్, పీవీఆర్, ఐనాక్స్, ఏషియన్ నెట్‌వర్క్ థియేటర్లలో విపరీతంగా షోలను కేటాయించారు. రోజుకి 15 నుండి 20 షోలు వేస్తూ విచ్చలవిడిగా పరిచేసారు. గురువారం విడుదల అంటే సోమవారమే బుకింగ్ లు తెరిచేసారు. విజయ్ కు తెలుగునాట గట్టిగా క్రేజ్ వుందని నమ్ముతున్నట్లున్నారు సదరు డిస్ట్రిబ్యూటర్. కేవలం నైజాం కాకుండా ఆంధ్రప్రదేశ్‌లోని ప్రధాన నగరాలైన విశాఖపట్నం, విజయవాడ, తిరుపతి, గుంటూరు ప్రాంతాల్లోనూ ‘జన నాయగన్’ థియేటర్ల కౌంట్, షోల సంఖ్య భారీగా ఉంది. డబ్బింగ్ సినిమాలకు సైతం ఈ స్థాయిలో థియేటర్లు కేటాయించడం కాస్త ఆశ్చర్యమే. తెలుగు రాష్ట్రాల్లో విజయ్ సినిమాకు ఈ స్థాయి ఓపెనింగ్స్ రాబట్టేందుకు ప్లాన్ చేస్తున్నారట. అయితే ఇప్పటికే ఓపెన్ చేసిన అడ్వాన్స్ బుకింగ్స్ ఏమంత ఆశించినంత లేవు. బాలయ్య నటించిన భగవంత్ కేసరి అఫీషియల్ రీమేక్ గా వస్తుంది జననాయగన్.