TamannaahBhatia : బోల్డ్ హారర్ థ్రిల్లర్‌లో తమన్నా భాటియా.. రసహృదయాలు కాస్త జాగ్రత్త

తమన్నా బాలీవుడ్‌లో ఆఫర్స్ పెరిగాక గ్లామర్ రోల్స్ మాత్రమే కాదు బోల్డ్ పాత్రలకు కూడా నో చెప్పడం లేదు. బ్యాడ్సాఫ్ బాలీవుడ్‌లో స్పెషల్ సాంగ్ కోసం విపరీతమైన స్కిన్ షో చేసిన మిల్కీ బ్యూటీ నెక్ట్స్ మరో బోల్డ్ స్టోరీకి గ్రీన్ సిగ్నల్ ఇచ్చింది. ఐటమ్ సాంగ్స్ ఏ హీరోయిన్ కెరీర్‌నైనా కిల్ చేశాయేమో కానీ తమన్నా కెరీర్‌కు మాత్రం బూస్టప్‌ ఇచ్చాయి. ఇంకా చెప్పాలంటే స్పెషల్ సాంగ్స్‌తో కూడా కోట్లు కూడగట్టొచ్చని, ఆఫర్స్ పట్టొచ్చని ఫ్రూవ్ చేసింది. ఎంతో మంది స్టార్ బ్యూటీలకు ఇన్‌స్పిరేషన్‌గా మారింది. ఇంత వరకు ఓకే కానీ సౌత్‌లో హద్దులు మీరని గ్లామర్ షో చేసిన తమన్నా బాలీవుడ్ వెళ్లాక బోల్డ్ అండ్ రొమాంటిక్ సీన్స్‌లో రెచ్చిపోయి మరీ నటిస్తోంది.

టాలీవుడ్‌లో చేస్తోన్న సినిమాలు ఫ్లాప్ కావడంతో ఆమెను లైట్ తీసుకుంటున్నారు ఇక్కడి మేకర్స్. కానీ బాలీవుడ్‌లో స్కిన్ షోతో బాగానే ఆఫర్స్ కొల్లగొడుతోంది. ఇప్పటికే చేతిలో వివాన్, రేంజర్, రోహిత్ శెట్టి సినిమాతో పాటు వి శాంతారం బయోపిక్ ఉన్నాయి. తాజాగా మరో క్రేజీ ప్రాజెక్ట్‌లోకి జాయిన్ అయ్యింది తమన్నా. బాలీవుడ్‌లో హారర్ ప్లస్ బోల్డ్ సిరీస్ థ్రిల్లర్ రాగిణి ఎంఎంఎస్ పార్ట్ త్రీలో యాక్ట్ చేస్తోంది మిల్కీ బ్యూటీ. రాగిణి3 సెట్స్‌లోకి ఎంటరైన పిక్ సోషల్ మీడియాలో షేర్ చేసుకుంది తమన్నా. ఈ మూవీని శశాంక్ ఘోష్ డైరెక్ట్ చేస్తున్నాడు. పార్ట్ వన్ అండ్ టూ కన్నా మరింత భయంకరంగా, బోల్డ్‌గా తెరకెక్కించబోతున్నారట మేకర్స్. ఇందులో సల్మాన్ రిలేటివ్ ఆయుష్ శర్మ, అమీర్ ఖాన్‌ కొడుకు జునైద్ ఖాన్, నర్గీస్ ఫక్రీ కీ రోల్స్ ప్లే చేస్తున్నారు. బాలాజీ మోషన్ పిక్చర్స్, టిప్స్ ఫిల్మ్స్, జై హో మీడియా వెంచర్స్ సంయుక్తంగా ఈ మూవీని నిర్మిస్తున్నాయి.