Suresh Babu: కాలానికి అనుగుణంగా సాగే సురేశ్ బాబు!
- Follow Us :
-
-
Add as a preferred
source on google
Suresh Babu: చిత్రసీమలో ‘ఆ నలుగురు’ అనగానే సినీఫ్యాన్స్ కు స్టార్స్ చిరంజీవి, బాలకృష్ణ, నాగార్జున, వెంకటేశ్ గుర్తుకు వస్తారు. కానీ, సినీజనానికి ‘ఆ నలుగురు’ అంటే సురేశ్ బాబు, అల్లు అరవింద్, దిల్ రాజు, ఏసియన్ సునీల్ వంటి టాప్ డిస్ట్రిబ్యూటర్స్ స్ఫురిస్తారు. వారిలో అగ్రగణ్యుడుగా నిలచిన సురేశ్ బాబు తెలుగు చిత్రసీమలో ఏదైనా సమస్య తలెత్తినప్పుడు దాని పరిష్కారం కోసం నడుం బిగించేవారిలో ముందువరుసలో ఉంటారు. అందుకే సినీజనం ఆయనను అందరివాడు అంటూ ఉంటారు.
స్టార్ ప్రొడ్యూసర్ గా జేజేలు అందుకున్న డి.రామానాయుడు పెద్దకొడుకుగా సురేశ్ బాబు 1958 డిసెంబర్ 24న జన్మించారు. మద్రాసులోని డాన్ బోస్క్ స్కూల్ లోనూ, లయోలా కాలేజ్ లోనూ విద్యనభ్యసించారు సురేశ్. తరువాత యూనివర్సిటీ ఆఫ్ మిచిగాన్ లో డిగ్రీ చదివారు. స్వదేశం వచ్చిన తరువాత నుంచీ తండ్రి చిత్ర నిర్మాణంలో పాలు పంచుకుంటూ సాగారు. ఆయన తండ్రి డి.రామానాయుడు నిర్మాతగా గిన్నిస్ బుక్ ఆప్ వరల్డ్ రికార్డ్స్ లో చోటు సంపాదించారు. తండ్రి చాటు బిడ్డగా ఉంటూనే సురేశ్ బాబు 1990లో ‘బొబ్బిలిరాజా’తో నిర్మాతగా మారారు. అప్పటి నుంచీ తమ సురేశ్ ప్రొడక్షన్స్ పతాకంపై సురేశ్ బాబు పలు చిత్రాలు నిర్మించారు. తన తమ్ముడు వెంకటేశ్ ను టాలీవుడ్ స్టార్ హీరోస్ లో ఒకరిగా నిలపడం కోసం సురేశ్ బాబు చేసిన కృషిని ఎవరూ మరచిపోలేరు. ఇక నిర్మాతగా తన ప్రతి చిత్రంలోనూ ఏదో ఒక కొత్తదనం చొప్పించడానికి సురేశ్ బాబు సదా ప్రయత్నించేవారు.
Also Read
- Hanuman Ansh: రూ.452 కోట్లు కొల్లగొట్టినా ఎవరూ పట్టించుకోలేదు.. ‘హనుమాన్ అంశ్’ డైరెక్టర్ అసంతృప్తి!
- Shiva Kandukuri Marriage: టాలీవుడ్లో పెళ్లిళ్ల సందడి.. పెళ్లిపీటలెక్కబోతున్న మరో హీరో!
- Chiranjeevi Letter: మెగాస్టార్ చిరంజీవి లేఖ.. అమిత్ షాకు అందజేసిన కిషన్ రెడ్డి!
- Ramayana Part 2: రణ్బీర్, యష్ కాదు.. పార్ట్ 2లో ప్రధాన ఆకర్షణ ఆయనే.. ఆసక్తికర విషయాలు చెప్పిన అజింక్య!
తెలుగులోనే కాదు, దక్షిణాదిన ఎందరో ప్రముఖ నిర్మాతల తనయులు తండ్రుల బాటలోనే పయనిస్తూ నిర్మాతలయ్యారు. అయితే సురేశ్ బాబు మాత్రం కాలానికి అనుగుణంగా సాగుతూ చిత్రనిర్మాణం సాగించారు. అరుదైన విజయాలను సొంతం చేసుకున్నారు. తండ్రి తనకు ఆస్తిగా ఇచ్చిన నిర్మాణసంస్థ, స్టూడియోస్, పంపిణీ సంస్థ, పబ్లిసిటీ సంస్థ వంటి వాటిని ఎంతో చాకచక్యంగా నిర్వహించారు. ముఖ్యంగా తెలుగునాట థియేటర్లను లీజుకు తీసుకొని మూతపడిపోనున్న ఎన్నో సినిమా హాళ్ళకు ఆ దుస్థితి పట్టకుండా కాపాడిన ఘనత సురేశ్ బాబుదే అని చెప్పవచ్చు. ఇక క్రేజీ కాంబినేషన్స్ లో రూపొందే చిత్రాలకు భాగస్వామిగానూ ఉంటున్నారు సురేశ్ బాబు. ఈ మధ్య మునుపటిలా వేగంగా చిత్రనిర్మాణం సాగించడం లేదు.
సురేశ్ బాబు తనయుడు రానా నవతరం నాయకునిగా సాగిపోతున్నారు. సురేశ్ బాబు నిర్వహణలోనే రామానాయుడు ఫిలిమ్ ఇన్ స్టిట్యూట్ సాగుతోంది. అందులో శిక్షణ పొందిన వారికి తమ చిత్రాల ద్వారా అవకాశాలూ కల్పిస్తున్నారు. సురేశ్ బాబు చిన్నకొడుకు అభిరామ్, తేజ దర్శకత్వంలో ‘అహింస’ చిత్రంతో హీరోగా పరిచయం కానున్నాడు. కాలానికి అనుగుణంగా అడుగులు వేసే సురేశ్ బాబు మునుముందు ఏ తీరున చిత్రసీమలో సాగుతారో చూద్దాం.
తాజావార్తలు
-
Koti Deepotsavam 2026 Live Day-7 : కోటి దీపోత్సవం ఏడో రోజు.. నేడు త్రిశక్తి మహాపూజ, జోగులాంబ కల్యాణం
-
Ration Cardholders: రేషన్ కార్డుదారులకు శుభవార్త.. డిసెంబర్ 1 నుంచి షాపుల్లో అవి కూడా..
-
Ind Vs Nepal: నేపాల్పై భారత్-ఏ భారీ విజయం.. 306 పరుగుల తేడాతో వరల్డ్ రికార్డు బద్దలు..
-
Student Suicide : శ్రీచైతన్య కాలేజీలో విద్యార్థి ఆత్మహత్య.. విద్యార్థి సంఘాల ఆందోళన..
-
OTR: రాజమహేంద్రవరం వైసీపీలో వెన్నుపోట్ల కలకలం
-
OTR: ఉరుములేని పిడుగులా ఆశిష్ షెలార్ ఎంట్రీ.. తెలంగాణ బీజేపీలో ఏం జరుగుతోంది?
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!