Trisha: త్రిషను ‘పరాన్నజీవి’తో పోల్చుతూ..సింగర్ సుచిత్ర సంచలన వ్యాఖ్యలు..

సినీ పరిశ్రమలో ‘సుచి లీక్స్’ ద్వారా ఒకప్పుడు సంచలనం సృష్టించిన సింగర్ సుచిత్ర, తాజాగా ఒక ఇంటర్వ్యూలో నటి త్రిషపై విమర్శల వర్షం కురిపించారు. త్రిషను ‘పరాన్నజీవి’ (Parasite) అంటూ సంబోధించడం సోషల్ మీడియాలో హాట్ టాపిక్‌గా మారింది. ముఖ్యంగా దళపతి విజయ్ వ్యక్తిగత జీవితం గురించి ఆమె చేసిన వ్యాఖ్యలు అభిమానులను ఆశ్చర్యానికి గురిచేస్తున్నాయి.

“నాకు త్రిష అంటే అస్సలు ఇష్టం లేదు. విజయ్ అంటే నాకు చాలా గౌరవం ఉంది, అందుకే నిష్పక్షపాతంగా మాట్లాడుతున్నాను” అని సుచిత్ర పేర్కొన్నారు. విజయ్ ప్రస్తుతం తన తల్లిదండ్రులకు, భార్య సంగీతకు దూరమై ఒంటరిగా ఉండటానికి త్రిషతో ఏర్పడిన సాన్నిహిత్యమే కారణమని ఆమె ఆరోపించారు. విజయ్ లాంటి స్టార్ ఇలాంటి పరిస్థితుల్లో ఉండటం బాధాకరమని, ఒక వ్యక్తి బలహీనంగా ఉన్న సమయంలోనే ఇటువంటి వారు ప్రవేశించి జీవితాలను ప్రభావితం చేస్తారని ఆమె తీవ్ర వ్యాఖ్యలు చేశారు. సుచిత్ర చేసిన ఈ వ్యాఖ్యలపై త్రిష, విజయ్ అభిమానులు తీవ్రంగా స్పందిస్తున్నారు.

ఎటువంటి ఆధారాలు లేకుండా ఒక స్టార్ హీరోయిన్ వ్యక్తిత్వాన్ని కించపరచడం సరికాదని నెటిజన్లు మండిపడుతున్నారు. త్రిష ప్రస్తుతం కెరీర్ పరంగా వరుస విజయాలతో దూసుకుపోతున్న తరుణంలో, ఇలాంటి పాత వివాదాలను లేదా వ్యక్తిగత విషయాలను తెరపైకి తీసుకురావడం కేవలం పబ్లిసిటీ కోసమేనని కొందరు విమర్శిస్తున్నారు. గతంలోనూ సుచిత్ర పలువురు స్టార్లపై ఇలాంటి ఆరోపణలే చేసిన సంగతి తెలిసిందే.