Sing Geetham OTT Release : ఓటీటీ స్ట్రీమింగ్‌కు వచ్చేసిన ‘సింగ్ గీతం’

లెజెండరీ డైరెక్టర్ సింగీతం శ్రీనివాసరావు దర్శకత్వంలో, ‘కల్కి 2898 AD’ ఫేమ్ నాగ్ అశ్విన్ నిర్మాణంలో రూపొందిన సరికొత్త ప్రయోగాత్మక చిత్రం ‘సింగ్ గీతం’. అయాన్, అహల్య బమ్రూ, శాలిని కొండేపూడి ప్రధాన పాత్రల్లో నటించిన ఈ వినూత్న చిత్రానికి దేవిశ్రీ ప్రసాద్ అద్భుతమైన స్వరాలు అందించాడు. జూన్ 12న థియేటర్లలో రిలీజ్ అయిన ఈ సినిమా ఆడియెన్స్ తో పాటు విమర్శకుల ప్రశంసలు కూడా అందుకుంది. రొటీన్ రెగ్యులర్ ఫార్మేట్ సినిమాల నుండి ప్రేక్షకులకు ఒక సరికొత్త అనుభూతిని పంచింది. ఇప్పుడు ఈ మ్యూజికల్ ఫాంటసీ డ్రామా ఇప్పుడు డిజిటల్ ప్లాట్‌ఫామ్‌లో సందడి చేసేందుకు సిద్ధమైంది.

ప్రముఖ ఓటీటీ సంస్థ నెట్‌ఫ్లిక్స్ వేదికగా ఈ రోజు నుంచే ఈ చిత్రం స్ట్రీమింగ్ అవుతోంది. సింగీతం శ్రీనివాసరావు మార్క్ మ్యాజిక్, నాగ్ అశ్విన్ ప్రొడక్షన్ వాల్యూస్ ఈ సినిమాను విజువల్‌గా, మ్యూజికల్‌గా నెక్స్ట్ లెవెల్‌కు తీసుకెళ్లాయి. భిన్నమైన కథాంశంతో, అద్భుతమైన సంగీత నేపథ్యంతో తెరకెక్కిన ఈ ప్రయోగాత్మక చిత్రం బాక్సాఫీస్ వద్ద మంచి టాక్ సొంతం చేసుకుంది. తెలుగుతో పాటు తమిళ్, కన్నడ, మలయాళంతో పాటు హిందీ భాషల్లో ఈ సినిమాను స్ట్రీమింగ్ కు తీసుకువస్తోంది నెట్‌ఫ్లిక్స్. డిజిటల్ వేదికపై కూడా ఈ చిత్రం మంచి రెస్పాన్స్ తెచ్చుకుంటుందని ఆశాభావం వ్యక్తం చేస్తున్నారు.