Sharwa@33: ‘ఒకే ఒక జీవితం’ రిలీజ్ కు ముందే కొత్త సినిమా ప్రారంభం!
శర్వానంద్, రీతువర్మ జంటగా నటించిన ‘ఒకే ఒక జీవితం’ చిత్రం మరో నాలుగు రోజుల్లో విడుదల కాబోతోంది. అయితే ఈ లోగానే శర్వానంద్ తన 33వ చిత్రానికి శ్రీకారం చుట్టేశాడు. ప్రామిసింగ్ హీరో శర్వానంద్ ను ఈసారి కృష్ణ చైతన్య డైరెక్ట్ చేయబోతున్నాడు. వీరిద్దరి కాంబినేషన్ లో పీపుల్స్ మీడియా ఫ్యాక్టరీ బ్యానర్ లో టీజీ విశ్వప్రసాద్ మూవీ నిర్మిస్తున్నారు. వివేక్ కూచిభొట్ల సహ నిర్మాతగా వ్యవహరిస్తున్నారు. ఇందులో రాశీఖన్నా హీరోయిన్ గా నటిస్తోంది. ఇంకా టైటిల్ ఖరారు చేయని ఈ చిత్రం పొలిటికల్ యాక్షన్ డ్రామాగా రూపొందనుంది.
ఈ చిత్రం సోమవారం పూజా కార్యక్రమాలతో ఘనంగా ప్రారంభమైయింది. చిత్ర నిర్మాతలతో పాటు దర్శకులు చందూ మొండేటి, హను రాఘవపూడి, సుధీర్ వర్మ, యువి క్రియేషన్స్ వంశీ, విక్రమ్ స్క్రిప్ట్ను దర్శకుడికి అందజేశారు. ముహూర్తం షాట్కు త్రివిక్రమ్ శ్రీనివాస్ క్లాప్ ను ఇవ్వగా, కృష్ణ చైతన్య స్వయంగా దర్శకత్వం వహించారు. ఈ సినిమా రెగ్యులర్ షూటింగ్ అక్టోబర్ నుండి ప్రారంభమవుతుంది. పవర్ ఫుల్ స్క్రిప్ట్ లో శర్వానంద్ ని ఇంటెన్స్ క్యారెక్టర్ లో చూపించనున్నారు కృష్ణ చైతన్య. రాశి ఖన్నా కథానాయికగా నటిస్తుండగా, ప్రియమణి కీలక పాత్రలో కనిపించనుంది. ఈ చిత్రంలో మరికొందరు ప్రముఖ నటీనటులు ఇతర ముఖ్య పాత్రల్లో నటిస్తున్నారు. అత్యున్నత సాంకేతిక నిపుణులు ఈ చిత్రానికి పని చేస్తున్నారు. యువన్ శంకర్ రాజా సంగీతం అందించనుండగా, జిమ్షీ ఖలీద్ సినిమాటోగ్రఫీని అందిస్తున్నారు. జయశ్రీ ప్రొడక్షన్ డిజైనర్ కాగా, విఠల్ ఆర్ట్ డైరెక్టర్ గా పని చేస్తున్నారు.