టాలీవుడ్ ఎనర్జిటిక్ స్టార్ రామ్ పోతినేని హీరోగా, మొదటిసారి దర్శకత్వం వహించబోతున్న చిత్రం పై అనౌన్స్మెంట్ నుంచే మంచి హైప్ ఏర్పడింది. రామ్ కెరీర్లో 23 చిత్రంగా రాబోతున్న ఈ ప్రాజక్ట్ను మైండ్ బ్లోయింగ్ సైకలాజికల్ యాక్షన్ థ్రిల్లర్ కథాంశంతో రూపొందించాలని రామ్ ప్లాన్ చేస్తున్నాడు. ఎక్కడా కాంప్రమైజ్ కాకుండా పాన్-ఇండియా స్థాయిలో భారీ బడ్జెట్తో నిర్మిస్తున్నారు. ఈ చిత్రానికి యంగ్ మ్యూజిక్ డైరెక్టర్ సామ్ సీఎస్ సంగీతాన్ని అందిస్తున్నారు.
అయితే ఈ సినిమా హీరోయిన్ విషయంలో మాత్రం క్లారిటీ రావడం లేదు. మొదట్లో ఫలానా బ్యూటీ ఫైనల్ అయిందనే వార్తలు రాగా.. బడ్జెట్ కారణంగా ఓ కొలిక్కి రావడం లేదు. అయితే, లేటెస్ట్గా ఈ సినిమాలో రామ్ సరసన కథానాయికగా టాలీవుడ్ లక్కీ చార్మ్ సంయుక్తా మీనన్ పేరు పరిశీలిస్తున్నట్లు సమాచారం. ప్రస్తుతానికి చర్చలు తుది దశలో ఉన్నాయని వినికిడి. కథ మరియు పాత్ర నచ్చడంతో సంయుక్తా మీనన్ కూడా ఈ ప్రాజెక్ట్కు ఓకె చెప్పినట్టుగా టాక్ నడుస్తోంది. త్వరలోనే చిత్ర బృందం నుండి అధికారిక ప్రకటన వెలువడే అవకాశం ఉంది. ఇప్పటికే టాలీవుడ్లో బ్యాక్ టు బ్యాక్ హిట్లతో దూసుకుపోతోంది సంయుక్తా మీనన్. స్లమ్ డాగ్, స్వయంభూ వంటి భారీ చిత్రాలతో పాటు లేడీ ఓరియెంటెడ్ మూవీ ‘బ్లాక్ గోల్డ్’ వంటి విభిన్నమైన ప్రాజెక్ట్తో దూసుకుపోతోంది. ఇక ఇప్పుడు ఈ అమ్మడు ఖాతాలోకి మరో బంపర్ ఆఫర్ వచ్చి చేరినట్లే. మరి రామ్ పోతినేని, సంయుక్త మీనన్ జోడీ ఎలా ఉంటుందో చూడాలి.