తెలుగు సినీ పరిశ్రమలో తనకంటూ ప్రత్యేక గుర్తింపు తెచ్చుకోవడానికి ప్రయత్నిస్తున్న స్టార్ కిడ్స్ లో రోషన్ ఒకరు. అక్కినేని నాగార్జున నిర్మించిన ‘నిర్మల కాన్వెంట్’తో 2016లో హీరోగా పరిచయమైన రోషన్, ఆ తర్వాత నాలుగేళ్ల విరామం తీసుకుని 2021లో ‘పెళ్లి సందడి’ ద్వారా తన నటనతో ప్రేక్షకుల, విమర్శకుల అభిప్రాయాలను గెలుచుకున్నాడు. తన ఈ రెండు చిత్రాల ద్వారా కొంత గుర్తింపు వచ్చినప్పటికీ, రోషన్ పెద్ద హిట్ కోసం ఎప్పుడూ ప్రయత్నిస్తూ వస్తున్నాడు. ఇప్పుడు ఈ ప్రయత్నం మరో స్టెప్ పైకి ఎగురుతోంది.
Also Read : Mahesh Bhatt : సినిమా కోసం ప్రోడ్యూసర్కు మంత్రించిన మాంసం తినిపించిన ఫిలింమేకర్
మరో కొత్త ప్రాజెక్ట్తో ప్రేక్షకుల ముందుకు రాబోతున్నాడు. ఇప్పటికే రోషన్ ‘చాంపియన్’ సినిమా షూటింగ్ పూర్తి స్థాయిలో సాగుతున్నప్పటికీ, మరో కొత్త ప్రాజెక్ట్ను సైన్ చేశాడు. ఈ కొత్త సినిమాకు ‘హిట్’ ఫ్రాంచైజీతో ముందే తన ప్రతిభను చాటుకున్న డైరెక్టర్ శైలేష్ కొలను దర్శకత్వం వహించనున్నారు. శైలేష్ దర్శకత్వంలో రోషన్ సినిమా చేయడం నిజంగా ప్రేక్షకులకు ఒక ఎక్సైటింగ్ సిగ్నల్ అని చెప్పవచ్చు. ఈ సినిమాను సితార ఎంటర్టైన్మెంట్స్ బ్యానర్ నిర్మించనుంది. ప్రొడక్షన్ పూర్తి స్థాయిలో జరుగుతోందని, త్వరలోనే మరిన్ని వివరాలు విడుదలవుతాయని సమాచారం.