Renu Desai: బీజేపీ అభ్యర్థిపై పవన్ మాజీ భార్య కీలక వ్యాఖ్యలు.. డబ్బులు అందలేదు కానీ?
Renu Desai Intresting Post on BJP Hyderabad Candidate Kompelli Madhavilatha: దేశవ్యాప్తంగా లోక్ సభ ఎన్నికలు మరికొద్ది రోజుల్లో జరగబోతున్నాయి. దేశంలోని ప్రధాన పార్టీలతో పాటు ఆయా రాష్ట్రాల్లో ఉన్న ప్రాంతీయ పార్టీలు సైతం సత్తా చాటాలని పెద్ద ఎత్తున ప్రయత్నాలు చేస్తున్నాయి. ఇదంతా ఒక ఎత్తు అయితే తెలంగాణ రాజధాని హైదరాబాద్ లోక్ సభ సెగ్మెంట్ ఇప్పుడు ఆసక్తి రేకెత్తిస్తోంది. గత కొన్ని దశాబ్దాలుగా హైదరాబాద్ ఎంపీగా ఓవైసీ కుటుంబ సభ్యులకి గెలుస్తూ వస్తున్నారు. అయితే మొట్ట మొదటి సారిగా బీజేపీ తరఫున ఈసారి కొంపెల్లి మాధవి లత పోటీ చేస్తున్నారు. హైదరాబాద్ లోని ఒక ప్రముఖ హాస్పిటల్ చైర్మన్ గా గుర్తింపు తెచ్చుకున్న ఆమె తనదైన శైలిలో చేస్తున్న ప్రచారం అటు మీడియాలో ఇటు సోషల్ మీడియాలో విశేష ఆదరణ దక్కించుకుంటుంది.
Actor Naresh: పవన్ టార్చ్ బేరర్.. చెడు చెవిలో చెప్పుకుందాం అంటూ నరేష్ ట్వీట్
ఈ నేపథ్యంలో కొన్ని కేసులు కూడా నమోదు అవుతున్నాయి. ఆ సంగతి పక్కన పెడితే ఆమె గురించి పవన్ మాజీ భార్య రేణు దేశాయ్ చేసిన సోషల్ మీడియా పోస్ట్ ఇప్పుడు చర్చనీయాంశమైంది. మాధవి లత ఫోటో పోస్ట్ చేసిన రేణు దేశాయ్ చాలా కాలం తర్వాత ఒక స్ట్రాంగ్ లేడీని చూశాను అంటూ పేర్కొంది. అంతే కాదు ఇలా చెబుతున్నందుకు నాకు ఎవరూ డబ్బులు ఇవ్వడం లేదు, నాకు అనిపించింది చెప్పాను అంటూ ఆమె కౌంటర్ గా కూడా రాసుకు రావడం హాట్ టాపిక్ అవుతుంది. ప్రస్తుతానికి ఆంధ్రప్రదేశ్ లో తెలుగుదేశం, బిజెపి, జనసేన కూటమిగా ఏర్పడి ఎన్నికల బరిలోకి దిగాయి. ఈ సమయంలో తెలంగాణలో హైదరాబాద్ బీజేపీ అభ్యర్థి గురించి పవన్ మాజీ భార్య ఇలా కామెంట్ చేయడంతో పెద్ద ఎత్తున చర్చ జరుగుతోంది.