Krishna – Vijaya Nirmala: రికార్డ్ సృష్టించిన కృష్ణ- విజయనిర్మల!

Krishna – Vijaya Nirmala: తెలుగు చిత్రసీమలో అత్యధిక చిత్రాల్లో జంటగా నటంచిన క్రెడిట్ కృష్ణ, విజయనిర్మలకే దక్కుతుంది. వీరిద్దరూ కలసి నటించిన తొలి చిత్రం ‘సాక్షి’. ఇదే చిత్రం దర్శకుడు బాపుకు కూడా మొదటి సినిమా కావడం విశేషం. ఈ సినిమాలో నటించిన తరువాతే కృష్ణ, విజయనిర్మల మధ్య అనురాగబంధం పెనవేసుకుంది. ఆ తరువాత ఓ రెండు సినిమాల్లో కృష్ణకు చెల్లెలిగా విజయనిర్మల నటించినా, వారిద్దరి జంటను జనం భలేగా ఆదరించారు. కృష్ణ, విజయనిర్మల ఉంటే చాలు మినిమమ్ గ్యారంటీ అని నిర్మాతలు నమ్మేవారు. 1970వ సంవత్సరంలో వీరిద్దరూ జంటగా నటించిన ఓ డజను చిత్రాలు జనం ముందు నిలిచాయి. దీనిని బట్టే కృష్ణ, విజయనిర్మల పెయిర్ కు ఎంతటి క్రేజ్ ఉండేదో అర్థం చేసుకోవచ్చు.

తరువాత పెళ్ళి చేసుకున్న కృష్ణ, విజయనిర్మల ఒకరి విజయం వెనుక మరొకరు అన్నట్టుగా సాగారు. కృష్ణ తెలుగునాట అత్యధిక చిత్రాల్లో నటించిన ఘనత వెనుక భార్య విజయనిర్మల ఉండగా, ఆమె ప్రపంచంలోనే అత్యధిక చిత్రాలు రూపొందించిన లేడీ డైరెక్టర్ గా గిన్నిస్ బుక్ లో చోటు సంపాదించడం వెనుక భర్త కృష్ణ ప్రోత్సాహమూ ఉంది. వీరిద్దరూ కలసి 45 చిత్రాల్లో జోడీగా నటించడం ఓ రికార్డ్. మళయాళంలో ప్రేమ్ నజీర్, షీలా జంట దాదాపు నూరుకు పైగా చిత్రాల్లో జోడీగా నటించారు. వారి తరువాత అత్యధిక చిత్రాల్లో జంటగా నటించిన ఘనత మన కృష్ణ, విజయనిర్మలదే.