RAPO23 : హీరో కమ్ దర్శకుడిగా రామ్ పోతినేని.. పూజ కార్యక్రమానికి టైమ్ ఫిక్స్

వరుస ప్లాప్స్ తో ఇబ్బందిపడుతున్నాడు రామ్. అందుకే ఈ సారి తానె స్వయంగా మెగా ఫోన్ పెట్టబోతున్నాడు. ఈ సినిమాకు సంబంధించి ఎనర్జిటిక్ స్టార్ రామ్ పోతినేని అభిమానులకు అదిరిపోయే గుడ్ న్యూస్ వచ్చేసింది. రామ్ కెరీర్‌లో 23వ ప్రాజెక్ట్‌గా తెరకెక్కబోతున్న అత్యంత ప్రతిష్టాత్మక చిత్రం షూటింగ్ ప్రారంభానికి సర్వం సిద్ధమైంది. జూన్ 29న అనగా ఈ సోమవారం ఉదయం ఈ చిత్రానికి సంబంధించిన గ్రాండ్ పూజా కార్యక్రమాన్ని నిర్వహించబోతున్నట్లు చిత్ర యూనిట్ అధికారికంగా ప్రకటించింది. ఈ మేరకు సోషల్ మీడియా వేదికగా విడుదల చేసిన అనౌన్స్‌మెంట్ పోస్టర్ నెట్టింట వైరల్‌గా మారింది.

“ది లోన్ వోల్ఫ్ అవేకెన్స్”  అంటూ మేకర్స్ వదిలిన ఈ అప్డేట్ రామ్ ఫ్యాన్స్‌లో జోష్ పెంచింది. ఈ సినిమాకు స్వయంగా రామే కథ, స్క్రీన్‌ప్లే అందిస్తూ దర్శకత్వం వహిస్తున్నాడు. నటుడిగానే కాకుండా  డైరెక్టర్ గా బాధ్యతను భుజాన వేసుకుని ఈ భారీ సినిమాను తెరకెక్కించబోతున్నాడు రామ్. రామ్ అన్న కృష్ణ పోతినేని అత్యంత భారీ బడ్జెట్‌తో నిర్మిస్తున్న ఈ చిత్రాన్ని ‘రాపో సినిమాటిక్స్’ బ్యానర్‌పై ప్రొడక్షన్ నెం.1గా నిర్మించనున్నారు. పూజా కార్యక్రమం అనంతరం ఈ సినిమా రెగ్యులర్ షూటింగ్ స్టార్ట్ చేయనున్నారు. మలయాళ మ్యూజిక్ డైరెక్టర్ సామ్ సీయస్ ఈ సినిమాకు సంగీతం అందిస్తుండగా శ్రీనిధి శెట్టి పేరు పరిశీలినలో ఉంది. ఈ ఏడాది డిసెంబర్ లో ఈ సినిమాను రిలీజ్ చేయబోతున్నారు.