సత్యభామను పరిచయం చేసిన “బంగార్రాజు”

కింగ్ నాగార్జున ప్రతిష్టాత్మక ప్రాజెక్ట్ ‘బంగార్రాజు’. ఈ చిత్రంలో హిట్ పెయిర్ నాగార్జున, రమ్యకృష్ణ మరోసారి జోడి కడుతున్న విషయం తెలిసిందే. నిన్న రమ్యకృష్ణ పుట్టిన రోజు సందర్భంగా మేకర్స్ ఆమెకు సినిమా నుంచి సర్ ప్రైజ్ గిఫ్ట్ ఇచ్చారు. నాగార్జున, రమ్యకృష్ణ కలిసి ఉన్న పోస్టర్‌ను విడుదల చేశారు. ఈ పోస్టర్ లో ఎప్పటిలాగే రమ్యకృష్ణ అందంగా కనిపిస్తుంది. నాగార్జున, రమ్యకృష్ణ మధ్య కెమిస్ట్రీ అద్భుతంగా కనిపిస్తుంది. పంచెకట్టులో నాగార్జున “బంగార్రాజు” లుక్ అదిరిపోయింది. అప్పట్లో నాగార్జున, రమ్యకృష్ణ జోడి అంటే సినిమా హిట్టే. ఇప్పటికీ అదే కొనసాగుతోంది. “సోగ్గాడే చిన్ని నాయన”లో కూడా వీరి జోడీపై ప్రశంసలు కురిశాయి.

Read Also : “భవదీయుడు భగత్ సింగ్”కు జోడిగా బుట్టబొమ్మ?

ప్రస్తుతం “బంగార్రాజు” షూటింగ్ రామోజీ ఫిల్మ్ సిటీలో జరుగుతోంది. ఈ చిత్రాన్ని మరింత ప్రత్యేకం చేస్తూ నాగ చైతన్య కూడా తన తండ్రితో కలిసి కన్పించబోతున్నారు. ఇప్పటికే ప్రాజెక్ట్ అంతటా పాజిటివ్ వైబ్స్ ఉన్నాయి. ఈ పోస్టర్ సినిమాపై అంచనాలను నెక్స్ట్ లెవెల్ కు తీసుకెళ్లింది. కళ్యాణ్ కృష్ణ దర్శకత్వం వహిస్తున్న ఈ సినిమాలో నాగ చైతన్యకు జోడిగా కృతి శెట్టి నటిస్తోంది. అన్నపూర్ణ స్టూడియోస్, జీ స్టూడియోస్ సంయుక్తంగా ఈ ప్రాజెక్ట్‌ను నిర్మిస్తున్నాయి.