Ram Charan: బాక్సాఫీస్ పునాదులు కదిలించిన సలార్… సీడెడ్ లో చరణ్ ని బీట్ చేయలేకపోయాడు

ప్రస్తుతం ఆన్ లైన్ ఆఫ్ లైన్ అనే తేడా లేకుండా సలార్ హాట్ టాపిక్ అయ్యింది. సలార్ డే 1 కలెక్షన్స్ ఎంత? ఓవర్సీస్ లో ఎంత రాబట్టింది? నైజాంలో ఎంత కలెక్ట్ చేసింది? ఏ రికార్డ్ బ్రేక్ అయ్యిందని లెక్కలు వేస్తున్నారు ప్రభాస్ ఫ్యాన్స్. ఈ గ్యాప్ లో గేమ్ ఛేంజర్ సినిమా ట్యాగ్ ని ట్రెండ్ చేస్తూ బయటకి వచ్చారు మెగా పవర్ స్టార్ రామ్ చరణ్ తేజ్ అభిమానులు. ఏ సెంటర్ లో అయినా మీరు రికార్డ్స్ బ్రేక్ చేసి ఉండొచ్చు, కొత్తవి క్రియేట్ చేసి ఉండొచ్చు కానీ మా రికార్డ్ మాత్రం చెక్కు చెదరలేదు అంటూ సోషల్ మీడియాలో ట్వీట్స్ చేస్తున్నారు రామ్ చరణ్ ఫ్యాన్స్. 2019 జనవరి 11న రిలీజైన వినయ విధేయ రామ సినిమా డే 1 అరవింద సమేత వీరరాఘవ సినిమా ఓపెనింగ్ డే రికార్డుని బ్రేక్ చేసి కొత్త హిస్టరీ క్రియేట్ చేసింది. నందమూరి హీరోల స్ట్రాంగ్ జోన్ అయిన సీడెడ్ లో రామ్ చరణ్ సినిమా రికార్డ్ సృష్టించడం అంటే చిన్న విషయం కాదు.

రామ్ చరణ్-బోయపాటి శ్రీను కాంబినేషన్ లో వచ్చిన ఈ సినిమా సీడెడ్ ఏరియాలో మొదటి రోజు దాదాపు ఏడున్నర కోట్లని రాబట్టింది. 2024 సంక్రాంతి వస్తే చరణ్ సీడెడ్ గడ్డపై బెంచ్ మార్క్ కలెక్షన్స్ ని రాబట్టి నాలుగేళ్లు అవుతుంది. ఈ నాలుగేళ్ల గ్యాప్ లో ఎన్నో సినిమాలు వచ్చాయి కానీ వినయ విధేయ రామ ఓపెనింగ్ డే సీడెడ్ రికార్డుని బ్రేక్ చేయలేకపోయాయి. ఇప్పుడు నాలుగేళ్ల తర్వాత రేపు ఈ రికార్డ్ ని సలార్ బ్రేక్ చేస్తుందని ట్రేడ్ వర్గాలు, సినీ అభిమానులు అనుకున్నారు కానీ సలార్ సినిమాతో కూడా ప్రభాస్ వినయ విధేయ రామ సీడెడ్ ఓపెనింగ్ డే రికార్డుని బ్రేక్ చేయలేకపోయాడు. డే 1 6.45 కోట్లతో సలార్ సినిమా సీడెడ్ లో థర్డ్ ప్లేస్ తో సరిపెట్టుకుంది. సీడెడ్ డే 1 కలెక్షన్స్ విషయంలో టాప్ ప్లేస్ లో 17 కోట్లతో ఆర్ ఆర్ ఆర్ సినిమా ఉంది. నాన్-రాజమౌళి రికార్డ్స్ విషయంలో మాత్రం చరణ్ వినయ విధేయరామ మరి కొన్ని రోజుల పాటు సీడెడ్ టాప్ ప్లేస్ లోనే ఉంది.