Raasi : ఆ కారణంతో సినిమాలకు దూరం కావాలి అనుకున్నాను..

టాలీవుడ్ సీనియర్ హీరోయిన్ రాశీ గురించి ప్రత్యేకంగా చెప్పాల్సిన పని లేదు.90వ దశకంలో ఎన్నో బ్లాక్ బస్టర్ హిట్ చిత్రాలలో హీరోయిన్ గా నటించి మెప్పించారు రాశీ.తెలుగులో అప్పటి స్టార్ హీరోల అందరితో కలిసి నటించి స్టార్ హీరోయిన్ గా గుర్తింపు తెచ్చుకుంది. ‘ఆకతాయి’ సినిమాతో కెరీర్ మొదలు పెట్టిన రాశీ.. తొలి సినిమాతోనే మంచి గుర్తింపు తెచ్చుకున్నారు. అందం, అభినయంతో ఎంతగానో ఆకట్టుకున్నారు. ఆ తర్వాత వరుస సినిమా అవకాశాలు దక్కించుకుంది. ‘అమ్మో ఒకటో తారీఖ ‘దీవించండి’, ‘దేవుళ్లు’,‘పెళ్లి పందిరి’, మరియు ‘శుభాకాంక్షలు’ వంటి పలు సూపర్ హిట్ సినిమాలు చేసింది. సినిమాల్లో అవకాశాలు తగ్గుతున్న క్రమంలోనే, బుల్లితెరపై కూడా సత్తా చాటింది. ‘గిరిజా కల్యాణం’, ‘జానకి కలగనలేదు’ వంటి పలు సీరియల్స్ లో కూడా కనిపించింది. రాశీ పెళ్లి తర్వాత నెమ్మదిగా సినిమాలకు దూరం అయ్యారు..అయితే మళ్లీ సెకెండ్ ఇన్నింగ్స్ మొదలు పెట్టి ‘రాఘవరెడ్డి’ అనే సినిమాలో నటించారు.ఇందులో నందితా శ్వేతకు తల్లిగా రాశీ కనిపించారు. ప్రస్తుతం వరుస సినీ అవకాశాలు దక్కించుకుంటున్నారు.ఈ నేపథ్యంలో ఓ ఇంటర్వ్యూలో పాల్గొన్న రాశీ.. తాను సినిమాల నుంచి దూరం కావడానికి అసలు కారణం చెప్పుకొచ్చారు…

సినిమాలకు తాను దూరం కావాలి అనుకున్నానే తప్ప, సినిమాలు తనని వద్దు అనుకోలేదని ఆమె వెల్లడించారు.. “రాశీ సినిమాలను వద్దు అనుకుంది. కానీ, సినిమాలు రాశిని వద్దు అనుకోలేదు. ఇప్పటికీ నాకు చాలా అవకాశాలు వస్తున్నాయి. అయితే, అచితూచి నిర్ణయం తీసుకుంటున్నాను. నటనా ప్రాధాన్యత ఉన్న ఎలాంటి పాత్రను చేయడానికైనా రెడీ. తల్లిగా, అత్తగా అలాగే అక్కగా ఏ పాత్ర అయినా చేస్తాను. హీరోయిన్ గా అయితే ఇంకా మంచిది” అని చెప్పుకొచ్చారు. సినిమా అకాశాలు వచ్చినప్పటికీ అప్పట్లో కొన్ని కారణాలతో సినిమాలు చేయకూడదని భావించినట్లు రాశీ వెల్లడించింది. ఇష్టం లేకపోయినా, కొన్ని పాత్రలు చేయాల్సి వచ్చిందన్నారు. కొన్నిసార్లు నచ్చకపోయినా చేసిన సినిమాలు ఉన్నాయి. మేకప్ వేసుకున్న తర్వాత సెట్ నుంచి రాశి వచ్చేసింది అనే పేరు రాకూడదనే నేను అలా చేశాను. నేను వృత్తికి ఎంతో గౌరవం ఇస్తాను. ‘శుభాకాంక్షలు’ సినిమాలో నన్ను చూసి చాలా మంది తిట్టుకున్నారు. అంతేకాదు, నాకు పెద్ద అభిమానిగా ఉన్న ఒకావిడ సినిమాకు వెళ్లింది. ఈ సినిమా చూస్తుండగానే ఆమెకు విపరీతమైన జ్వరం వచ్చింది. ఆ విషయం నాకు చాలా రోజుల తర్వాత తెలిసింది. నేను చాలా బాధపడ్డాను. నా వల్ల ఓ వ్యక్తి నవ్వాలి. అంతేతప్ప, ఇబ్బంది పడకూడదు అనుకున్నాను. అప్పుడే సినిమాల నుంచి దూరం కావాలి అనుకున్నాను అని చెప్పుకొచ్చారు..