Fauzi Release Date: ప్రభాస్ అభిమానులు ఎంతో ఈగర్ గా ఎదురుచూస్తున్న ‘ఫౌజీ’ సినిమాకు సంబంధించి రిలీజ్ డేట్పై మరోసారి చర్చ మొదలైంది. హను రాఘవపూడి దర్శకత్వంలో తెరకెక్కుతున్న ఈ పీరియాడిక్ యాక్షన్ డ్రామాను 2026 డిసెంబర్ 3న ప్రపంచవ్యాప్తంగా విడుదల చేస్తామని మేకర్స్ జూలైలో ఆఫీషియల్ గా ప్రకటించారు. అయితే తాజాగా ఈ డేట్ నుంచి సినిమా తప్పుకున్నట్లు ఇండస్ట్రీలో ప్రచారం జరుగుతోంది. ఈ సినిమాను 2027 జనవరి 26న రిపబ్లిక్ డే రోజున రిలీజ్ చేయబోతున్నట్లు మళ్ళీ వార్తలు వినిపిస్తున్నాయి. దీంతో అసలు ‘ఫౌజీ’ ఎప్పుడు థియేటర్లలోకి వస్తుంది? డిసెంబర్ రిలీజ్ ఎందుకు కష్టంగా మారింది? కొత్తగా వినిపిస్తున్న రిలీజ్ డేట్ నిజమేనా అనే ప్రశ్నలు మళ్ళీ మొదలయ్యాయి.
ప్రస్తుతం అందుతున్న సమాచారం ప్రకారం ‘ఫౌజీ’ డిసెంబర్ 3 రిలీజ్ నుంచి వాయిదా పడే అవకాశం ఉన్నట్లు తెలుస్తోంది. అయితే నిర్మాతల నుంచి మాత్రం ఇప్పటివరకు కొత్త రిలీజ్ డేట్ గురించి ఎలాంటి ప్రకటనా రాలేదు. సినిమా ఆలస్యానికి ప్రధాన కారణాల్లో విజువల్స్, పోస్ట్ ప్రొడక్షన్ పనులు ఉన్నట్లు పరిశ్రమలో చర్చ జరుగుతోంది. హను రాఘవపూడి తన సినిమాల్లో విజువల్ డీటెయిలింగ్, పీరియాడిక్ సెటప్ పై ప్రత్యేక శ్రద్ధ పెట్టే దర్శకుడిగా పేరు తెచ్చుకున్నారు. ‘ఫౌజీ’ కూడా 1940ల నేపథ్యంలోని కథగా రూపొందుతుండటంతో మేకింగ్ పరంగా పెద్ద స్థాయిలో పని జరుగుతోంది. అందుకే తొందరగా విడుదల చేయడం కంటే తుది అవుట్పుట్కు అవసరమైన సమయం తీసుకోవాలని టీమ్ భావిస్తున్నట్లు రిపోర్టులు చెబుతున్నాయి. దీంతో 2027 జనవరి 26న ‘ఫౌజీ’ని రిపబ్లిక్ డే సందర్భంగా విడుదల చేయొచ్చనే ప్రచారం కూడా వినిపిస్తోంది. అయితే ఈ డేట్ కి సంబంధించి ఇప్పటివరకు మైత్రి మూవీ మేకర్స్ నుంచి అధికారిక ప్రకటన రాలేదు. కాబట్టి జనవరి 26ను ప్రస్తుతానికి ఒక రిలీజ్ బజ్గా మాత్రమే చూడాలి.
ఇదిలా ఉంటే ప్రభాస్, సంచలన దర్శకుడు సందీప్ రెడ్డి వంగా కాంబినేషన్లో ఎంతో ప్రతిష్టాత్మకంగా తెరకెక్కుతున్న హై-వోల్టేజ్ కాప్ యాక్షన్ థ్రిల్లర్ ‘స్పిరిట్’ (Spirit) ప్రపంచవ్యాప్తంగా 2027 మార్చి 5న థియేటర్లలో విడుదల కాబోతోంది. ఈ సినిమా రిలీజ్ డేట్ పై కూడా మారుతున్నట్లు వార్తలు వినిపిస్తున్నాయి. అయితే ఆ పుకార్లలో ఎలాంటి నిజం లేదని, సినిమా షెడ్యూల్ ప్లాన్ ప్రకారమే సజావుగా సాగుతోందని మేకర్స్ తేల్చిచెప్పారు. ఇక ‘ఫౌజీ’ విషయంలో మాత్రం మేకర్స్ నుంచి క్లారిటీ వచ్చే వరకు కొత్త డేట్ పై వస్తున్న వార్తలను మాత్రం రూమర్ గా చూడటం ఉత్తమం. ప్రస్తుతం ఖరారైన విషయం ఏమిటంటే డిసెంబర్ 3న విడుదలకు ప్రకటించిన తేదీపై అనిశ్చితి నెలకొంది. ప్రభాస్, హను రాఘవపూడి కాంబినేషన్లో వస్తున్న ఈ సినిమాలో ఇమాన్వి హీరోయిన్గా నటిస్తుండగా మిథున్ చక్రవర్తి, అనుపమ్ ఖేర్, జయప్రద తదితరులు కీలక పాత్రల్లో కనిపించనున్నారు. మైత్రి మూవీ మేకర్స్ నిర్మిస్తున్న ఈ పీరియాడిక్ యాక్షన్ డ్రామాపై భారీ అంచనాలు ఉన్నాయి. ఇప్పుడు అందరి దృష్టి ‘ఫౌజీ’ రిలీజ్ డేట్ మారుతుందా ? మారితే కొత్త రిలీజ్ డేట్ ఎప్పుడు ప్రకటిస్తారనే దానిపైనే ఉంది.