Prabhas : ఫౌజీ బడ్జెట్ రూ. 500 -600 కోట్లు.. బెంచ్‌మార్క్ సెట్ చేయబోతుందా?

రెబల్ స్టార్ ప్రభాస్ వరుస పాన్ ఇండియా ప్రాజెక్టులతో బాక్సాఫీస్ వద్ద సరికొత్త రికార్డులను సృష్టిస్తున్నారు. ప్రస్తుతం ప్రభాస్ లైనప్‌లో మోస్ట్ యాంటిసిపేటెడ్ చిత్రంగా నిలిచింది ‘ఫౌజీ’. హను రాఘవపూడి దర్శకత్వంలో మైత్రీ మూవీ మేకర్స్ నిర్మిస్తున్న ఈ చారిత్రక యుద్ధ నేపథ్య చిత్రంపై అంచనాలు ఓ రేంజ్ లో ఉన్నాయి. పీరియాడిక్ యాక్షన్ డ్రామాగా రూపొందుతున్న ఈ సినిమా షూటింగ్ జెట్ స్పీడ్ లో జరుగుతుంది. ఆయితే ఈ సినిమాకు సంబంధించిన బడ్జెట్ మరియు విజువల్స్ గురించి ఓ న్యూస్ ఇప్పుడు టాలీవుడ్ ఇండస్ట్రీ వర్గాల్లో హాట్ టాపిక్‌గా మారాయి.

విశ్వసనీయ సమాచారం ప్రకారం ఈ చిత్రాన్ని మైత్రీ మూవీ మేకర్స్ సంస్థ దాదాపు రూ. 500 నుండి 600 కోట్ల భారీ బడ్జెట్‌తో నిర్మిస్తోంది. స్వాతంత్ర్యానికి పూర్వపు రోజులను కళ్లకు కట్టేలా చూపించేందుకు భారీ సెట్స్, ఇంటర్నేషనల్ స్టాండర్డ్స్ విజువల్ ఎఫెక్ట్స్ ను వాడుతున్నట్లు తెలుస్తోంది. ఈ సినిమా విజువల్ ట్రీట్ బాలీవుడ్‌లో ఇప్పటివరకు వచ్చిన బిగ్గెస్ట్ హిస్టారికల్ మరియు పీరియడ్ డ్రామాల గ్రాండియర్‌ను సైతం తలదన్నేలా ఉండబోతుందని సమాచారం. కేవలం యాక్షన్ ఎపిసోడ్స్ మాత్రమే కాకుండా, హను రాఘవపూడి మార్క్ ఎమోషన్, అద్భుతమైన ప్రేమకథ కూడా ఈ చిత్రంలో హైలైట్‌గా నిలవనున్నాయి. ప్రభాస్ లుక్, క్యారెక్టరైజేషన్ ఇండియన్ సినిమా హిస్టరీలోనే ఒక కొత్త బెంచ్‌మార్క్ సెట్ చేయబోతుందని మేకర్స్ ధీమా వ్యక్తం చేస్తున్నారు. బాలీవుడ్ బడా చిత్రాలకు దీటుగా టాలీవుడ్ నుండి వస్తున్న ఈ విజువల్ వండర్ బాక్సాఫీస్ వద్ద ఎలాంటి ప్రభంజనం సృష్టించబోతుందో చూడాలి.