Popcorn: అవికా గోర్ ను చూడగానే ‘మది విహంగమయ్యే’నట!

Avika Gor: అవికా గోర్‌, సాయి రోన‌క్ జంట‌గా న‌టిస్తోన్న చిత్రం ‘పాప్ కార్న్’. ఎం. ఎస్‌. చ‌ల‌ప‌తి రాజు స‌మ‌ర్ప‌ణ‌లో భోగేంద్ర గుప్తా (”నెపోలియ‌న్‌, మా ఊరి పొలిమేర” చిత్రాల నిర్మాత‌) ఈ సినిమాను నిర్మిస్తున్నారు. హీరోయిన్ అవికా గోర్ ఈ చిత్రానికి స‌హ నిర్మాత‌గా వ్య‌వ‌హ‌రించ‌టం విశేషం. ముర‌ళి గంధం ద‌ర్శ‌కత్వం వ‌హిస్తున్నారు. ఫిబ్రవరి 10న సినిమాను గ్రాండ్ రిలీజ్ చేయబోతున్నారు. ఈ సందర్భంగా మూవీ ప్ర‌మోష‌న‌ల్ యాక్టివిటీస్ జోరుగా సాగుతున్నాయి. ఇటీవ‌ల విడుద‌ల చేసిన ట్రైల‌ర్‌కు సూప‌ర్బ్ రెస్పాన్స్ వ‌చ్చింది. తాజాగా బుధ‌వారం రోజున ‘మ‌ది విహంగ‌మ‌య్యే…’ అనే లిరికల్ సాంగ్‌ను హీరో నాగ చైత‌న్య‌ విడుద‌ల చేశారు. సినిమా పెద్ద స‌క్సెస్ కావాల‌ని యూనిట్‌కి అభినంద‌న‌లు తెలిపారు. ఈ పాట‌ను గ‌మ‌నిస్తే ఓ షాపింగ్ మాల్‌లోనే పాటంతా సాగుతుంది. హీరో హీరోయిన్లు అందులో షాపింగ్ చేయ‌టానికి వ‌చ్చిన‌ప్పుడు వారి ఆలోచ‌న‌లు.. ఎంత వేగంగా వారి భ‌విష్య‌త్తు వైపు అందంగా దూసుకెళ్తున్నాయ‌నే విష‌యాన్ని రచయిత శ్రీజో చ‌క్క‌టి సాహిత్యంతో పొందుప‌రిచారు. శ్ర‌వ‌ణ్ భ‌రద్వాజ్ స్వర పరిచిన ఈ పాట‌ను బెన్నీ ద‌యాల్‌, ర‌మ్యా బెహ్రా చ‌క్క‌గా ఆల‌పించారు.

ఈ సంద‌ర్భంగా చిత్ర స‌మ‌ర్ప‌కుడు ఎం. ఎస్‌. చ‌ల‌ప‌తి రాజు మాట్లాడుతూ ”ఇప్ప‌టి వ‌ర‌కు రాన‌టువంటి ఓ డిఫ‌రెంట్ కాన్సెప్ట్ మూవీ ఇది. సినిమా అంతా షాపింగ్ కాంప్లెక్స్ లిఫ్టులోనే ఉంటుంది. పెద్ద‌ల‌కు వారి యంగ్ ఏజ్ గుర్తుకు వ‌స్తుంది. ఇప్ప‌టి యువ‌త‌కు కూడా క‌నెక్ట్ అవుతుంది. అన్ని ర‌కాల ఎమోష‌న్స్ ఉన్న సినిమా. డైరెక్ట‌ర్ ముర‌ళి గంధం టేకింగ్‌ను అంద‌రూ త‌ప్ప‌కుండా అప్రిషియేట్ చేస్తారు” అని అన్నారు.

సినిమాకు కో ప్రొడ్యూసర్‌గా వ్య‌వ‌హ‌రించిన అవికా గోర్ మాట్లాడుతూ ”ఇదో డిఫరెంట్ మూవీ . డైరెక్టర్ మురళిగారు నెరేషన్ వినగానే ఓకే చెప్పేశాను. ఈ సినిమాకు నిర్మాత‌గా కూడా వ్య‌వ‌హ‌రించాను. కొత్త కాన్సెప్ట్ చిత్రాల‌ను తెలుగు ప్రేక్ష‌కులు ఆద‌రిస్తారనే న‌మ్మ‌కం ఉంది. ఫిబ్ర‌వ‌రి 10న ‘పాప్ కార్న్‌’తో సంద‌డి చేయ‌బోతున్నాం” అన్నారు.

హీరో సాయి రోనక్ మాట్లాడుతూ ”సినిమా ప్రారంభమైన పది నిమిషాలకే ప్రేక్ష‌కులు కథలో లీన‌మైపోతారు. ఇక చివ‌రి 45 నిమిషాలైతే సీట్ ఎడ్జ్ థ్రిల్ల‌ర్‌గా మూవీ అల‌రిస్తుంది” అని చెప్పారు. ఈ సినిమా పాటలను ఆదిత్య మ్యూజిక్ సంస్థ విడుదల చేస్తోంది.