ఎన్టీఆర్ ‘ఆర్ఆర్ఆర్’ చిత్రాన్ని త్వరలోనే పూర్తి చేయబోతున్నారు. ఈ సినిమా అక్టోబర్ 13న పేక్షకుల ముందుకు రానుంది. ఆ తరువాత కొరటాల శివ దర్శకత్వంలో ఎన్టీఆర్ నెక్స్ట్ మూవీ ఉంటుంది. 2016లో వచ్చిన “జనతా గ్యారేజ్” చిత్రం తర్వాత ఎన్టీఆర్, అనిరుధ్ కాంబినేషన్ లో తెరకెక్కుతున్న చిత్రం కావడంతో సినిమాపై భారీగా అంచనాలు పెరిగిపోయాయి. ఇంకా టైటిల్ ఖరారు చేయని ఈ ప్రాజెక్ట్ ను ప్రస్తుతానికి ‘ఎన్టిఆర్30’ అనే వర్కింగ్ టైటిల్ తో పిలుస్తున్నారు. “ఆర్ఆర్ఆర్” పూర్తవ్వగానే అంటే ఈ ఏడాది చివర్లో ఈ మూవీ సెట్స్ పైకి వెళ్తుందని భావిస్తున్నారు. “ఎన్టీఆర్ 30″ను ఎన్టీఆర్ ఆర్ట్స్ సహకారంతో యువసుధ ఆర్ట్స్ పతాకంపై సుధాకర్ మిక్కిలినేని, నందమూరి కళ్యాణ్ రామ్ సంయుక్తంగా నిర్మిస్తుంచనున్నారు.
Read Also : పవన్ ఫ్యాన్స్ కు డబుల్ ట్రీట్
ఇతర తారాగణం వివరాలు ఇంకా ప్రకటించలేదు. ప్రస్తుతం మేకర్స్ అదే పనిలో ఉన్నారు. అయితే ఈ సినిమా కోసం ఓ ప్రముఖ తమిళ దర్శకుడిని తీసుకోబోతున్నారనే ప్రచారం జోరందుకుంది. తాజా సమాచారం ప్రకారం “ఎన్టిఆర్30” కోసం యంగ్ టాలెంటెడ్ మ్యూజిక్ డైరెక్టర్ అనిరుధ్ రవిచందర్ను తీసుకురావాలని కొరటాల శివ ఆలోచన అట. ఈ మూవీ మ్యూజిక్ డైరెక్టర్గా యంగ్ మ్యూజిక్ సెన్సేషన్ అనిరుధ్ని ఫైనల్ చేసినట్లు విశ్వసనీయంగా తెలుస్తోంది. అయితే ఈ సినిమాకి అనిరుధ్ 4.50 కోట్లు కోట్ చేశాడట. యూనిట్ కూడా గ్రీన్ సిగ్నల్ ఇచ్చిందట. ఈ న్యూస్ ఎప్పటి నుంచి సోషల్ మీడియాలో తిరుగుతున్నప్పటికీ తాజాగా ట్విట్టర్ లో “ఎన్టీఆర్ 30” ట్రెండ్ అవుతోంది. అదికూడా అనిరుద్ కారణంగా…! ఇంతకుముందు అనిరుధ్ తెలుగులో ‘అజ్ఞాతవాసి’, ‘గ్యాంగ్ లీడర్,‘ జెర్సీ’ వంటి తెలుగు చిత్రాలకు స్వరాలు సమకూర్చిన విషయం తెలిసిందే.
