Mugguru Kothulu First Look: తెలుగు ఆడియన్స్ కామెడీ జానర్ పై ప్రత్యేకమైన ఆదరణ చూపుతుంటారు. ముఖ్యంగా యూత్ను టార్గెట్ చేస్తూ కొత్త కాన్సెప్ట్తో వచ్చే సినిమాలు ప్రేక్షకుల్లో ఆసక్తిని పెంచుతుంటాయి. ఇప్పుడు అదే తరహాలో ఓ సరికొత్త తెలుగు కామెడీ ఎంటర్టైనర్ ప్రేక్షకులను నవ్వించేందుకు సిద్ధమవుతోంది. జీఎస్ఆర్ క్రియేషన్స్ సమర్పణలో తెరకెక్కుతున్న ‘ముగ్గురు కోతులు’ సినిమా శుక్రవారం తన ఫస్ట్ లుక్ను రిలీజ్ చేసింది. టైటిల్కు తగ్గట్టుగానే రూపొందించిన ఈ పోస్టర్ ఆకట్టుకుంటోంది.
కార్తీక్ గరిమెల్ల దర్శకత్వంలో తెరకెక్కుతున్న ‘ముగ్గురు కోతులు’ మూవీని శోభారాణి గరిమెల్ల నిర్మిస్తున్నారు. ఈ సినిమాలో తేజ కొండపల్లి, గణేష్ బొడ్డ, దేవాన్ష్ ప్రధాన పాత్రల్లో నటిస్తుండగా.. వర్షిక పాశం హీరోయిన్గా కనిపించనున్నారు. ఆగస్టు 21న చిత్రబృందం విడుదల చేసిన ఫస్ట్ లుక్ పోస్టర్లో ముగ్గురు హీరోలను విభిన్నమైన హావభావాలతో చూపించారు. పోస్టర్ను చూస్తేనే సినిమా పూర్తిగా కామెడీ, ఎంటర్టైన్మెంట్తో సాగుతుందనే ఆసక్తి కలుగుతోంది.
అయితే ఈ సినిమాకు ‘ముగ్గురు కోతులు’ అనే టైటిల్ పెట్టడం వెనుక ఉన్న కాన్సెప్ట్ మరింత ఆసక్తికరంగా ఉంది. మహాత్మా గాంధీజీకి సంబంధించిన చెడు వినకు, చెడు చూడకు, చెడు మాట్లాడకు అనే మూడు కోతుల సూత్రాలను ఆధారంగా చేసుకుని నేటి యువత వాటిని తమకు అనుకూలంగా ఎలా మార్చుకుంటున్నారనే అంశంతో కథ సాగుతుందని తెలుస్తోంది. ఈ ఆలోచనను కామెడీ కోణంలో తెరకెక్కిస్తున్నట్లు ఫస్ట్ లుక్ ద్వారా అర్థమవుతోంది. టైటిల్కు తగ్గట్టుగా ముగ్గురు హీరోల పాత్రలు ఎలా ఉంటాయి? వారి మధ్య ఎలాంటి పరిస్థితులు ఏర్పడతాయి? అనే విషయాలు తెలియాలంటే సినిమా విడుదల వరకు వేచి చూడాల్సిందే.
ఇప్పటికే ‘ముగ్గురు కోతులు’ షూటింగ్ శరవేగంగా జరుగుతోంది. ఫస్ట్ లుక్తో ప్రేక్షకుల్లో క్యూరియాసిటీ పెంచిన చిత్రబృందం.. త్వరలోనే సినిమాకు సంబంధించిన మరిన్ని అప్డేట్స్ ఇవ్వడానికి సిద్ధమవుతోంది. ముఖ్యంగా పాటలు, టీజర్కు సంబంధించిన వివరాలను వరుసగా వెల్లడించనున్నట్లు మేకర్స్ తెలిపారు. దీంతో సినిమా కథ, హీరోల పాత్రలు, కామెడీ ట్రాక్ ఎలా ఉండబోతుందనే ఆసక్తి మరింత పెరుగుతోంది. ఇక ఈ సినిమాకు యంగ్ అండ్ టాలెంటెడ్ టెక్నికల్ టీమ్ పనిచేస్తోంది. ఎస్. సుహాస్ సంగీతం అందిస్తుండగా.. రాజ్ నోముల సినిమాటోగ్రఫీ బాధ్యతలు నిర్వహిస్తున్నారు. జమీర్ షేక్ ఎడిటర్గా పనిచేస్తున్నారు. కొత్త నటీనటులు, కొత్త కాన్సెప్ట్తో తెరకెక్కుతున్న ఈ సినిమా యూత్ ని ఆకట్టుకునేలా రూపొందుతున్నట్లు తెలుస్తోంది.
ఇప్పటివరకు విడుదలైన ఫస్ట్ లుక్లోనే ముగ్గురు హీరోల కామెడీ యాంగిల్ను హైలైట్ చేయడంతో ‘ముగ్గురు కోతులు’పై ఆసక్తి మొదలైంది. గాంధీజీ మూడు కోతుల సూత్రాలను నేటి పరిస్థితులకు అన్వయిస్తూ ఎలాంటి కథను చెప్పారు? ముగ్గురు హీరోల జీవితాల్లో ఎలాంటి కామెడీ గందరగోళం చోటుచేసుకుంటుంది? అనే ప్రశ్నలకు సమాధానం సినిమా చూస్తేనే తెలుస్తుంది. త్వరలో టీజర్, పాటలతో పాటు మరిన్ని వివరాలు బయటకు రానుండటంతో ‘ముగ్గురు కోతులు’పై యూత్లో మరింత హైప్ పెరిగే అవకాశం ఉంది.