NBK 111 : బాలయ్య మాస్ ర్యాంపేజ్.. ఫ్యాన్సీ రేటుకి NBK 111 ఓటీటీ డీల్ క్లోజ్

‘వీరసింహారెడ్డి’ వంటి బ్లాక్‌బస్టర్ హిట్ తర్వాత గాడ్ ఆఫ్ మాసెస్ నందమూరి బాలకృష్ణ, గోపీచంద్ మలినేని కాంబినేషన్‌లో వస్తున్న చిత్రం NBK111. బాలయ్య బర్త్ డే కానుకగా రిలీజ్ చేసిన గ్లిమ్స్ కు సూపర్బ్ రెస్పాన్స్ వచ్చింది. ప్రస్తుతం షూటింగ్ దశలో ఉన్న ఈ సినిమాపై అంచనాలు భారీగా ఉన్నాయి. కాజల్ హీరోయిన్ గా నటిస్తున్న ఈ సినిమాలో యంగ్ హీరో మంచు మనోజ్ కీలక పాత్రలో కనిపిస్తున్నాడు. బాలీవుడ్ నటుడు సంజయ్ దత్ విలన్ రోల్ లో నటిస్తున్నారు. అయితే ఈ చిత్రం థియేటర్లలోకి రాకముందే బిజినెస్ పరంగా సంచలనాలు సృష్టిస్తోంది. తాజాగా ఈ సినిమా డిజిటల్ స్ట్రీమింగ్ రైట్స్‌ను ప్రముఖ ఓటీటీ సంస్థ జీ5 భారీ ఫ్యాన్సీ రేటు చెల్లించి సొంతం చేసుకుంది. ప్రైస్ ఎంతనేది తెలియరాలేదు. 

ఇటీవల జీ5 సంస్థ తమ ఓటీటీ ప్లాట్‌ఫారమ్ నుండి రాబోయే క్రేజీ కంటెంట్ జాబితానుఅధికారికంగా విడుదల చేసింది. ఈ అఫీషియల్ లిస్ట్‌లో బాలయ్య 111వ సినిమాను ఆన్ బోర్డ్ చేసినట్టు అధికారకంగా ప్రకటించింది. బిగ్ స్క్రీన్ పైనే కాకుండా డిజిటల్ స్పేస్ లోనూ బాలయ్య మాస్ ర్యాంపేజ్ గట్టిగా ఉండబోతుందని ఈ డీల్ స్పష్టం చేస్తోంది. ఈ మోస్ట్ అవేటెడ్ యాక్షన్ ఎంటర్‌టైనర్‌ను ఈ ఏడాది డిసెంబరు 24న క్రిస్మస్ కానుకగా ప్రపంచవ్యాప్తంగా గ్రాండ్‌గా విడుదల చేయబోతున్నట్లు సమాచారం. థమన్ మ్యూజిక్ అందిస్తున్న ఈ చిత్రం డిసెంబర్ రేసులో బాక్సాఫీస్ వద్ద సరికొత్త రికార్డులు సృష్టించడం ఖాయమని ఫ్యాన్స్ నమ్మకంగా ఉన్నారు. వృద్ధి సినిమాస్ బ్యానర్ పై సతీష్ కిలారు భారీ బడ్జెట్ పై ఈ సినిమాను నిర్మిస్తున్నారు.