Nagarjuna: ఆ కుర్ర రచయిత సినిమాను రిజెక్ట్ చేసిన నాగ్.. ఎందుకంటే?

Nagarjuna calls off his film with Prasanna Kumar Bezawada: బెజవాడ ప్రసన్న కుమార్ “నేను లోకల్”, “ధమాకా” వంటి విజయవంతమైన సినిమాలకు కధ అందించి మంచి ఫేం తెచ్చుకున్నాడు. ఈరోజు తెలుగు సినిమాల్లో అత్యధిక పారితోషికం తీసుకుంటున్న రచయితల్లో ఆయన కూడా ఒకరంటే అతిశయోక్తి కాదు. ఆయన ముందు నుంచి ప్రధానంగా దర్శకుడు నక్కిన త్రినాధరావు సినిమాలకు స్క్రిప్ట్‌లు అందిస్తూ సంభాషణలను కూడా అభివృద్ధి చేస్తూ ఉండేవాడు. అయితే ఎన్నాళ్ళు ఇలా రైటర్ గా ఉంటాను, ఇకనైనా డైరక్టర్ గా మారాలి అనుకుని నాగార్జున అక్కినేనికి మంచి కథ చెప్పాడు. ఆది బాగా నచ్చడంతో నాగ ఆయనకు డైరెక్షన్ చేసే అవకాశాన్ని ఇచ్చాడు. నిజానికి నాగార్జున ప్రసన్నకుమార్ కథనంతో చాలా థ్రిల్ అయ్యాడట, ఇంత అద్భుతమైన స్క్రిప్ట్ రాసినందుకు అభినందించాడు కూడా. అయితే బెజవాడ ప్రసన్న కుమార్ ఒక మలయాళ చిత్రాన్ని రీమేక్ చేస్తున్నారనే వార్తను నాగార్జున చదివిన కొద్ది రోజుల తర్వాతే అసలు సమస్య మొదలైంది.
Pawan Kalyan: వైసీపీకి నేను వ్యతిరేకం కాదు.. వైసీపీ నేతల వైఖరికే వ్యతిరేకం: పవన్ కళ్యాణ్
ఈ వార్త నిజమేనా అని ప్రసన్నను అడిగితే, దానికి రచయిత తాను మలయాళ చిత్రం పొరింజు మరియం జోస్ (2019) నుండి నాలుగు సన్నివేశాలను తీసుకున్నానని బదులిచ్చాడట. మలయాళ సినిమా నుంచి కేవలం నాలుగు సన్నివేశాలు మాత్రమే తనని ఇన్స్ పైర్ చేశాయని, ప్రధాన కథ తన స్వంత సృష్టి అని ప్రసన్న కుమార్ నాగార్జునతో చెప్పినట్లు తెలిసింది. అయితే, కొన్ని రోజుల తరువాత, మరొక నిర్మాత, అభిషేక్ అగర్వాల్, “పొరింజు మరియం జోస్” రీమేక్ హక్కులను సొంతం చేసుకున్నానని తన అనుమతి లేకుండా దానిని స్వీకరించే ప్రయత్నాలు చేస్తే చట్టపరమైన చర్య తీసుకుంటాయని పేర్కొంటూ ఒక ప్రకటనను విడుదల చేశారు. ఏదో తప్పు జరిగిందని గ్రహించిన నాగార్జున మలయాళ సినిమాని చూడాలని భావించి చూశాక బెజవాడ ప్రసన్నకుమార్ రాసిన స్క్రిప్ట్ దాదాపుగా మలయాళం సినిమా జిరాక్స్ కాపీలా ఉండడం చూసి ఆశ్చర్యపోయాడని తెలుస్తోంది. నాగార్జున మోసపోయానని భావించాడని కోపం వచ్చి సినిమా చేయలేనని చెప్పేశాడని తెలుస్తోంది. ఆయన ఆర్ఎక్స్ 100 డైరెక్టర్ కధకి గ్రీన్ సిగ్నల్ ఇచ్చినట్టు తెలుస్తోంది.