శ్రీహరి జయంతి సందర్భంగా మేఘాంశ్ మూవీ టైటిల్ అనౌన్స్ మెంట్

రియల్ స్టార్ శ్రీహరి తనయుడు మేఘాంశ్ ‘రాజ్ దూత్’ మూవీతో హీరోగా ఎంట్రీ ఇచ్చాడు. అలానే ‘కోతి కొమ్మచ్చి’ మూవీలోనూ హీరోగా నటించాడు. అది విడుదల కావాల్సి ఉంది. ఆగస్ట్ 15 శ్రీహరి జయంతి. ఈ సందర్భంగా ప్రముఖ నిర్మాత సి. కళ్యాణ్… శ్రీహరి తనయుడు మేఘాంశ్ శ్రీహ‌రి క‌థానాయ‌కుడిగా సినిమాను నిర్మిస్తున్నట్టు తెలిపారు. సి.కె. ఎంట‌ర్‌టైన్‌మెంట్స్ ప్రై.లి. బ్యాన‌ర్‌పై నిర్మితం కాబోతున్న ఈ సినిమాకు ‘రాసిపెట్టుంటే’ అనే పేరును ఖరారు చేశారు. ఈ మూవీకి నందు మ‌ల్లెల డైరెక్టర్. శ్రీహరి జయంతి సందర్భంగా విడుదల చేసిన పోస్టర్ కాస్తంత భిన్నంగానే ఉంది. సూర్యాస్తమయం సమయంలో ఓ బస్సు ఫెన్సింగ్ కు అవతల వెళుతూ ఉన్న ఈ పోస్టర్ ఆసక్తిని కలిగిస్తోంది. యాక్ష‌న్ థ్రిల్ల‌ర్‌గా రూపొంద‌నున్న ఈ సినిమాలోని ఇత‌ర న‌టీన‌టులు, సాంకేతిక నిపుణుల వివ‌రాల‌ను త్వ‌ర‌లోనే ప్ర‌కటిస్తామ‌ని చిత్ర యూనిట్ తెలియజేసింది.