టాలీవుడ్ హీరో నితిన్, కృతిశెట్టి జంటగా ఎంఎస్ రాజశేఖర్ రెడ్డి దర్శకత్వంలో తెరకెక్కుతున్న చిత్రం “మాచర్ల నియోజకవర్గం”. రాజ్ కుమార్ ఆకెళ్ళ సమర్పణలో శ్రేష్ట్ మూవీస్ మరియు ఆదిత్య మూవీస్ అండ్ ఎంటర్టైన్మెంట్స్పై సుధాకర్ రెడ్డి మరియు నిఖితా రెడ్డిలు ఈ చిత్రాన్ని నిర్మిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, వీడియోస్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా నుంచి మొదటి లిరికల్ వీడియోను విశ్వనటుడు కమల్ హాసన్ చేతుల మీదుగా రిలీజ్ చేయించారు. “చిల్ మారో చిల్ మారో” అంటూ సాగుతున్న ఈ పాట ఆద్యంతం ఆకట్టుకొంటుంది.
మంచి పార్టీ మోడ్ లో నితిన్ చిల్ అవుతున్నట్లు కనిపించాడు. ఇక నితిన్ తో పాటు ఈ సాంగ్ లో క్యాథరిన్ చిందేసింది. మహతి స్వర సాగర్ సంగీతం అందించిన ఈ సాంగ్ కు కృష చైతన్య క్యాచీ లిరిక్స్ అందించగా.. నకేష్ అజీజ్, సంజన కల్మంజే ఎంతో హుషారుగా ఆలపించారు. లిరిక్స్ ను బట్టి హీరో క్యారెక్టర్ ను తెలిపే సాంగ్ లా కనిపిస్తుంది. ఈ చిన్న వయస్సులో తప్పు కాదులే తప్పు చేయడం.. వేళకాని వేళ ఎందుకంత మోయడం అంటూ సాగిన ఈ సాంగ్ ప్రస్తుతం నెట్టింట వైరల్ గా మారింది. ఈ చిత్రంలో నితిన్ కలెక్టర్ సిద్దార్థ్ రెడ్డి గా నటిస్తున్న విషయం విదితమే. ఇక ఈ సినిమా ఆగస్టు 12 న రిలీజ్ కానుంది. వరుస ప్లాపుల మధ్య ఉన్న నితిన్ కు ఈ సినిమా ఎలాంటి విజయాన్నీ అందిస్తుందో చూడాలి.
The Music of Macherla begins with #ChillMaaro 😎
Our first single from #MacherlaNiyojakavargam !
Hope you vibe to it as much as i did❤️– https://t.co/wLUuexgfmQ@CatherineTresa1 @IamKrithiShetty @SrSekkhar #MahatiSwaraSagar @SreshthMovies @adityamusic
— nithiin (@actor_nithiin) May 31, 2022