Dragon Glimpse Records: గ్లోబల్ స్టార్ జూనియర్ ఎన్టీఆర్ హీరోగా, సంచలన దర్శకుడు ప్రశాంత్ నీల్ దర్శకత్వంలో తెరకెక్కుతున్న అత్యంత ప్రతిష్టాత్మక పాన్ – ఇండియా చిత్రం ‘#DRAGON’. ఈ సినిమాకు సంబంధించిన ఫస్ట్ గ్లింప్స్ సోషల్ మీడియా వేదికగా రిలీజ్ చేయగా, ఇది ఇండియన్ మూవీ చరిత్రలోనే మునుపెన్నడూ ఎరుగని రీతిలో సరికొత్త చరిత్ర సృష్టించింది. ఈ గ్లింప్స్ రిలీజ్ అయిన కేవలం 24 గంటల్లోనే యూట్యూబ్లో 64 మిలియన్లకు పైగా (6.4 కోట్లు+) వ్యూస్ సాధించింది. దీంతో భారతదేశంలోనే అత్యంత వేగంగా, అత్యధిక వ్యూస్ సాధించిన ఆల్టైమ్ నంబర్ 1 గ్లింప్స్గా ‘డ్రాగన్’ సరికొత్త రికార్డును లిఖించింది.
‘కేజీఎఫ్’, ‘సలార్’ చిత్రాలతో ఇండియన్ బాక్సాఫీస్ను షేక్ చేసిన దర్శకుడు ప్రశాంత్ నీల్.. తన ప్రతి చిత్రాన్ని హై-వోల్టేజ్ యాక్షన్, డార్క్ థీమ్ ఎలివేషన్స్తో తెరకెక్కించడంలో తనదైన మార్క్ను ఇప్పటికే ప్రేక్షకులకు రుచి చూపించారు. ‘డ్రాగన్’ గ్లింప్స్లోనూ తన మార్క్ స్టైల్ కనిపిస్తుంది. ఎన్టీఆర్ను మునుపెన్నడూ చూడని అత్యంత పవర్ఫుల్ మాస్ అవతారంలో డ్రాగన్లో ప్రశాంత్ నీల్ ప్రెజెంట్ చేసిన విధానం, రవి బస్రూర్ అందించిన గూస్బంప్స్ బ్యాక్గ్రౌండ్ స్కోర్ సినిమాపై అంచనాలను ఆకాశానికి చేర్చాయి. ఈ భారీ యాక్షన్ ఎంటర్టైనర్లో బాలీవుడ్ స్టార్ నటుడు అనిల్ కపూర్, రుక్మిణి వసంత్, బిజు మీనన్ కీలక పాత్రల్లో నటిస్తున్నారు. ఈ చిత్రాన్ని గుల్షన్ కుమార్, టీ-సిరీస్ (T-Series) తో పాటు మైత్రీ మూవీ మేకర్స్, ఎన్టీఆర్ ఆర్ట్స్ సంస్థలు సంయుక్తంగా నిర్మిస్తున్నాయి. ఈ గ్లింప్స్ సాధించిన రికార్డులు థియేటర్లలో రాబోయే భారీ వసూళ్ల సునామీకి ముందస్తు సంకేతమని సినీ విశ్లేషకులు అభిప్రాయపడుతున్నారు.
This is how #DRAGON set the world on fire 🔥#DragonGlimpse creates history as 𝐈𝐍𝐃𝐈𝐀’𝐬 𝐇𝐈𝐆𝐇𝐄𝐒𝐓 𝐕𝐈𝐄𝐖𝐄𝐃 𝐆𝐋𝐈𝐌𝐏𝐒𝐄 𝐢𝐧 𝟐𝟒 𝐇𝐎𝐔𝐑𝐒 with a massive 𝟔𝟒 𝐌𝐈𝐋𝐋𝐈𝐎𝐍+ 𝐕𝐈𝐄𝐖𝐒 on YouTube 🐉
Man of Masses @tarak9999… pic.twitter.com/TvEFFQ0RqQ
— Mythri Movie Makers (@MythriOfficial) May 20, 2026