జననాయకుడు విడుదలకి ఇంకా కొన్ని గంటలే మిగిలి ఉంది. జులై 23న రిలీజ్ కాబోతున్న ఈ మూవీని భారీ ఎత్తున రిలీజ్ చేస్తున్నారు. 30 దేశాల్లో 8 వేల స్క్రీన్స్లో స్క్రీనింగ్ కాబోతుంది. టాలీవుడ్ ఫిల్మ్ భగవంత్ కేసరికి రీమేక్ అయినా కూడా తెలుగు రాష్ట్రాల్లో పెద్ద ఎత్తున విడుదల చేస్తున్నారు మేకర్స్. ఇప్పటికే అడ్వాన్స్ బుకింగ్స్ స్టార్టయ్యాయి. తమిళనాడులో హాట్ కేకుల్లా అమ్మడౌతున్నాయట టికెట్స్.
జననాయగన్ ప్రమోషన్స్లో దర్శకుడు హెచ్ వినోద్ ఫుల్ బిజీగా గడుపుతున్నాడు. రిలీజ్ డేట్ దగ్గర పడటంతో వరుస ఇంటర్వ్యూలిచ్చేసి మూవీని మరింత ప్రమోట్ చేస్తున్నాడు. ఇక ఈ సినిమాతో విజయ్ ముందు భారీ టార్గెట్స్ వెయిట్ చేస్తున్నాయి. ఇప్పటి వరకు కోలీవుడ్లో థౌజండ్ క్రోర్ అందుకున్న హీరోనే లేడు. విజయ్ ఈ నంబర్ టచ్ చేస్తే.. ఈ ఏడాది సీఎంగా ఓ ఎచీవ్ మెంట్తో పాటు వెయ్యికోట్లు నమోదు చేసిన తొలి కోలీవుడ్ హీరోగా హిస్టరీలో అతడి పేరు నిలిచిపోతుంది. తమిళనాడులో రికార్డ్స్ సృష్టించాలన్నా, తిరగరాయాలన్నా రజనీకాంత్కే చెల్లింది. ఇప్పటి వరకు కోలీవుడ్ హయ్యెస్ట్ గ్రాసర్ చిత్రం తలైవర్ పేరిటే నమోదైంది. రోబో 2.0 రూ. 800 కోట్లతో ఫస్ట్ ప్లేస్, రూ. 600 కోట్లతో జైలర్ సెకండ్ ప్లేస్ ఆక్యుపై చేసుకున్నాయి. వీటిని బీట్ చేయాల్సిన టార్గెట్ విజయ్ ముందుంది. అంతేకాదు ఫస్ట్ డే కలెక్షన్స్లో కూడా తలైవర్దే పై చేయి. కూలీ ఫస్ట్ డే రూ. 151 కోట్లు కొల్లగొట్టి ప్రపంచవ్యాప్తంగా అత్యధిక వసూళ్లు సాధించిన తమిళ చిత్రంగా నిలిచింది. లియో రూ. 148 కోట్లతో రెండో స్థానానికి పడిపోయింది. ఇప్పుడు కూలీ ఫస్ట్ డే కలెక్షన్స్ బీట్ చేసి విజయ్ దళపతి హిస్టరీ క్రియేట్ చేస్తాడో లేదో చూద్దాం.