Halle Berry: కాక రేపుతున్న హాలీ బెర్రీ సెల్ఫ్ లవ్!
- Follow Us :
-
-
Add as a preferred
source on google
Halle Berry: “వారెవ్వా హాలీ బెర్రీ ఫోజులే…” అంటూ తెలుగు సినిమాల్లోనూ హాలీవుడ్ నల్ల కలువ హాలీ బెర్రీపై పాటను పలికించారు. అంటే బ్లాక్ బ్యూటీ హాలీ బెర్రీ క్రేజ్ ఏ పాటిదో అర్థం చేసుకోవచ్చు. నిజానికి ఆ పాట అల్లరి నరేశ్, శర్వానంద్ హీరోలుగా రూపొందిన ‘నువ్వా నేనా’ సినిమా కోసం భీమ్స్ సెసిరోలియో రాశారు. ఈ ఇద్దరు హీరోలతో పాటు శ్రియ, బ్రహ్మానందం కూడా ఆ పాటలో కనిపించి సందడి చేశారు. ఇదంతా ఎందుకు గుర్తు చేసుకోవలసి వచ్చిందంటే- హాలీ బెర్రీ ఫోజులకు ఇప్పటికీ ఎంతో క్రేజ్ ఉందని చెప్పడానికే! ఈ పాట రాసి ఇప్పటికి పదకొండేళ్ళయింది. కానీ, హాలీ బెర్రీ లేటెస్ట్ ఫోజు చూసి ఉంటే మన గీత రచయితల కలాలు ఇంకెంతగా శృంగారం ఒలకబోసేవో అనిపిస్తుంది.
ఇక అసలు విషయానికి వస్తే 56 ఏళ్ళ హాలీ బెర్రీ ఈ మధ్య మందు తాగుతూ మిట్ట మధ్యాహ్నం పూట తన ఇంటి బాల్కనీలో నించుని ఓ ఫోజు ఇచ్చింది. ఆ ఫోటో చూస్తేనే కుర్రకారు హీటెక్కి పోతున్నారు. మరి ప్రత్యక్షంగా ఆ ఫోజును ఫోటో తీసినవారు, చూసినవారి పరిస్థితి ఎలా ఉంటుందో? ఇంతకూ ఆ ఫోజులోని ప్రత్యేకత ఏమిటంటారా? గతంలోనూ హాలీ బెర్రీ తన నాజూకు షోకులు ప్రదర్శిస్తూ బికినీల్లో అందచందాలు ఆరబోసింది. అందువల్లే హాలీ బెర్రీ ఫోజులకు అంత క్రేజు! కానీ, మూడు రోజుల క్రితం హాలీ బెర్రీ ఇచ్చిన ఫోజు షాక్ కు గురి చేయక మానదు. ఒంటిపై నూలు పోగు లేకుండా బాల్కనీలో నించుని ఎంచక్కా గ్లాస్ తో మద్యం సేవిస్తూ దర్శనమిచ్చింది బ్లాక్ బెర్రీ! గత శనివారం అంటే ఈస్టర్ పండుగకు ఓ రోజు ముందన్న మాట. తాను చేయాలనుకున్నది చేసి తీరాతానంటూ ఈ ఫోటోను తన సోషల్ మీడియా అకౌంట్ లో పోస్ట్ చేసింది. ఈ పిక్ కు “మంప్ డే సెల్ఫ్ లవ్” అంటూ క్యాప్షన్ కూడా ఇచ్చింది. మత్తు రోజున(శనివారం) స్వీయ ప్రేమన్నమాట! కాబట్టి మనమూ “వారెవ్వా…హాలీ బెర్రీ ఫోజులే..” అనాల్సిందేగా!