Guntur Kaaram: ప్రతి సంక్రాంతికి అల్లుడొస్తాడు… ఈసారి మొగుడు వచ్చేలా ఉన్నాడు

అనిల్ రావిపూడి, సూపర్ స్టార్ మహేష్ బాబు కాంబినేషన్ లో వచ్చిన ‘సరిలేరు నీకెవ్వరూ’ సినిమాలో ప్రకాష్ రాజ్… “ప్రతి సంక్రాంతికి అల్లుడు వస్తాడు, ఈ సంక్రాంతికి మొగుడు వచ్చాడు” అనే డైలాగ్ చెప్తాడు. థియేటర్స్ లో ఫ్యాన్స్ తో విజిల్స్ వేయించిన ఈ డైలాగ్ ఇప్పుడు గుంటూరు కారం సినిమాకి పర్ఫెక్ట్ గా సెట్ అవుతోంది. సరిలేరు నీకెవ్వరూ సినిమా మాస్ గానే ఉన్నా ఘట్టమనేని అభిమానులకి ఫుల్ మీల్స్ పెట్టే రేంజులో లేదు. మహేష్ లో గత కొంతకాలంగా మిస్ అవుతున్న మాస్ యాంగిల్ ని మళ్లీ పరిచయం చేస్తూ గుంటూరు కారం సినిమా బయటకి రాబోతుంది. జనవరి 12న రిలీజ్ కానున్న ఈ సినిమాలో మహేష్ ఊర మాస్ గా కనిపించబోతున్నట్లు ఉన్నాడు. మాస్ అంటే రెగ్యులర్ మాస్ కాదు మహేష్ మాస్ ఇంకో రకం. పోకిరి, బిజినెస్ మాన్ సినిమాల్లో చూపించిన మాస్ ఇప్పుడు గుంటూరు కారం సినిమాలో చూడబోతున్నాం.

మాస్ స్ట్రైక్ తో కాస్త శాంపిల్ చూపించిన మహేష్ అండ్ త్రివిక్రమ్… బ్యాక్ టు బ్యాక్ పోస్టర్స్ తో ప్రమోషన్స్ హీట్ పెంచుతున్నారు. సైలెంట్ గా ఉన్నారే అనుకుంటున్న సమయంలో వయొలెంట్ టర్న్ తీసుకోని వెంటవెంటనే పోస్టర్స్ ని రిలీజ్ చేస్తున్నారు. ఫ్యాన్స్ ని కంప్లీట్ గా ఖుషి చేస్తున్న కొత్త పోస్టర్స్ లో మహేష్ బాబు కత్తిలా ఉన్నాడు. లేటెస్ట్ గా ఈరోజు వదిలిన పోస్టర్ లో మహేష్ బాబు లుంగీ కట్టుకోని నడుస్తుంటే… ఈ సీన్ కి థియేటర్ లో ఆడియన్స్ రెస్పాన్స్ ఎలా ఉంటుందో ఊహిస్తేనే మైండ్ పోతుంది. మహేష్, శ్రీలీల ఉన్న ఈ కొత్త పోస్టర్ ని ట్రెండ్ చేసే పనిలో ఉన్నారు మహేష్ ఫ్యాన్స్. ఇదే జోష్ ని మేకర్స్ జనవరి 12 వరకూ మైంటైన్ చేస్తే చాలు రీజనల్ సినిమాలో ఉన్న అన్ని రికార్డ్స్ ని మహేష్ చెల్లాచెదురు చేయడం గ్యారెంటీ.