God Of War : సాయంత్రం 5.04 గంటలకు ‘విల్లాల వీరుడి’ ఆగమనం

మ్యాన్ ఆఫ్ మాసెస్ జూనియర్ ఎన్టీఆర్ అభిమానుల ఎప్పుడెప్పుడాని ఎదురుచూసిన తరుణం రానే వచ్చేసింది. మాటల మాంత్రికుడు త్రివిక్రమ్ శ్రీనివాస్ దర్శకత్వంలో యంగ్ టైగర్ ఎన్టీఆర్ హీరోగా ‘గాడ్ ఆఫ్ వార్’ సినిమా ప్రకటన రాబోతుంది. ఈ క్రేజీ ప్రాజెక్ట్ అప్‌డేట్ నేడు సాయంత్రం 5:04 గంటలకు రివీల్ కాబోతోంది. యంగ్ టైగర్ ఎన్టీఆర్ అఫీషియల్ ఎక్స్ ఖాతాలో సాయంత్రం ఈ సినిమాకు సంబంధించి కాన్సెప్ట్ పోస్టర్ ను రిలీజ్ చేయబోతున్నారు. హారిక హాసిని క్రియేషన్స్, ఎన్టీఆర్ ఆర్ట్స్ సంయుక్తంగా ఈ సినిమాను నిర్మించబోతున్నాయి.

సుబ్రమణ్య స్వామి పురాణఇతిహాస కథ నేపథ్యంలో ఈ సినిమా రాబోతోంది. ఈ కథ పురాణాలు, మహా సంగ్రామాలు, దైవిక శక్తులు, కుటుంబ బంధాలు మరియు ఆధ్యాత్మిక ప్రతీకల సమ్మేళనంగా సాగుతుంది. ఇందులో మురుగన్ యుద్ధతంత్రానికి మరియు జ్ఞానానికి ప్రతీకగా నిలుస్తారు. ఇది ఎలా ఉండబోతోందో చూడాలని ఆడియెన్స్ లో ఒక క్యూరియాసిటీ నెలకొంది. ఈ మోస్ట్ అవేటెడ్ అప్‌డేట్ కోసం ప్రపంచవ్యాప్తంగా ఉన్న ఎన్టీఆర్ ఆర్మీ అత్యంత ఈగర్‌గా వెయిట్ చేస్తోంది. మరి కొద్ది గంటల్లోనే ఈ ‘గాడ్ ఆఫ్ వార్’ ఆగమనానికి ముహూర్తం ఫిక్స్ అవడంతో సోషల్ మీడియాలో హ్యాష్‌ట్యాగ్‌లు ట్రెండ్ అవుతున్నాయి. కోలీవుడ్ సెన్సేషన్ అనిరుధ్ ఈ సినిమాకు సంగీతం అందించనున్నట్టు సమాచారం.