Drishyam 3 : అడ్వాన్స్ సేల్స్ లో దూసుకెళ్తున్న దృశ్యం 3.. మోహన్ లాల్ మరో ఇండస్ట్రీ హిట్ ఇస్తాడా?

మోహన్‌లాల్ కెరీర్‌లో అత్యంత ప్రతిష్టాత్మకమైన ‘దృశ్యం’ ఫ్రాంచైజీకి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు.  మళయాలంలో తెరకెక్కిన ఈ సినిమా దాదాపు అన్ని పాన్ ఇండియా భాషల్లో రీమేక్ అయి సూపర్ హిట్ అయింది. దానికి సీక్వెల్ గా వచ్చిన దృశ్యం 2 కూడా సూపర్ సెన్సేషన్ హిట్ అయింది. లాంగ్ గ్యాప్ తర్వాత ఈ ఫ్రాంచైజీ నుండి మూడో పార్ట్ వస్తుంది. తాజాగా దృశ్యం 3 ట్రైలర్ ను రిలీజ్ చేయగా సూపర్ రెస్పాన్స్ తెచ్చుకుంది.

మే 21న రిలీజ్ కానున్న ఈ సినిమా అడ్వాన్స్ సేల్స్ లో దూసుకెళ్తోంది. టికెట్స్ బుకింగ్ ట్రెండ్స్ ప్రకారం కేరళలో ఈ సినిమా అడ్వాన్స్ సేల్స్ కేవలం 10 గంటల్లో  1.50 కోట్ల రూపాయల మార్కును దాటేసింది. కేరళ బాక్సాఫీస్ చరిత్రలో ఇంత తక్కువ సమయంలో ఈ స్థాయిలో బుకింగ్స్ జరగ లేదు. ఈ అడ్వాన్స్ సేల్స్ ట్రేడ్ వర్గాలను సైతం విస్మయానికి గురిచేస్తోంది.కేవలం కేరళలోనే కాకుండాప్రపంచవ్యాప్తంగా ‘దృశ్యం 3’ హవా కొనసాగుతోంది. ఫ్యాన్ షోలతో కలిపి ఇప్పటివరకు ఈ సినిమా రూ. 4.50 కోట్ల  గ్లోబల్ ప్రీ-సేల్స్ మార్కును చేరుకుంది. ముఖ్యంగా ఓవర్సీస్ మార్కెట్లలో (USA, UAE, ఆస్ట్రేలియా) ఈ చిత్రానికి భారీ స్పందన లభిస్తోంది. సినిమా విడుదల కావడానికి ఇంకా 10 రోజులు సమయం మిగిలి ఉంది. ఇప్పుడే ఈ స్థాయిలో బుకింగ్స్ ఉంటే రిలీజ్ నాటికి ఈ గణాంకాలు ఎక్కడికి చేరుతాయో ఊహించలేమని విశ్లేషకులు అభిప్రాయపడుతున్నారు. ఫైనల్ ప్రీ-సేల్స్ రిపోర్ట్ అన్ని మలయాళ చిత్రాల రికార్డులను తుడిచిపెట్టే అవకాశం కనిపిస్తోంది. మే 21న మోహన్‌లాల్ పుట్టినరోజు కానుకగా వస్తున్న దృశ్యం 3 ఎలాంటి రికార్డులు నమోదు చేస్తుందో చూడాలి.