యువ సామ్రాట్ అక్కినేని నాగచైతన్య ప్రతిష్టాత్మక 25వ చిత్రంకి సంబంధించి రూమర్లు చక్కర్లు కొడుతున్నాయి. ఈ సినిమాకు బెదురులంక ఫేమ్ క్లాక్స్ దర్శకత్వం వహిస్తున్నాడని, ఆకాశంలో ఒక తార సినిమాతో వెండితెర ఎంట్రీ ఇస్తున్న సాత్విక వీరవల్లి చైతు సరసన హీరోయిన్ గా నటించబోతుందని సోషల్ మీడియాలో పోస్ట్ లు వచ్చాయి. ఈ వార్తలపై అక్కినేని నాగచైతన్య అధికారిక బృందం స్పందించింది.
ఈ సినిమాపై అభిమానుల్లో, ప్రేక్షకుల్లో ఉన్న తీవ్రమైన ఆసక్తి, కుతూహలాన్ని తాము అర్థం చేసుకుంటున్నామని అయితే NC25 ప్రాజెక్టుకి సంబంధించిన ఎలాంటి అప్డేట్ అయినా కేవలం అధికారిక వేదికలు ద్వారా వచ్చే సమాచారాన్ని మాత్రమే నమ్మాలని, రూమర్లను ప్రచారం చేయవద్దని విజ్ఞప్తి చేసింది. సామాజిక మాధ్యమాల్లో వచ్చే ఎలాంటి ఆధారాల్లేని వార్తలను, ఊహాగానాలను నమ్మవద్దని, ప్రాజెక్ట్ వివరాలను త్వరలోనే అధికారికంగా వెల్లడిస్తామని నాగచైతన్య టీమ్ స్పష్టం చేసింది. నాగ చైతన్య ప్రస్తుతం కార్తీక్ దండు డైరెక్షన్ లో తెరెక్కుతున్న వృషకర్మ షూటింగ్ లో బిజీగా ఉన్నాడు. షూటింగ్ చివరిదశలో ఉన్న ఈ సినిమా డిసెంబర్ 4న గ్రాండ్గా థియేటర్లలో విడుదలయ్యేందుకు సిద్ధమవుతోంది. చైతు కెరీర్ లోనే భారీ బడ్జెట్ సినిమాగా వసున్న వృషకర్మపై అంచనాలు ఓ రేంజ్ లో ఉన్నాయి. ఇప్పటికే రిలీజ్ అయిన గ్లిమ్స్ కు సాలిడ్ రెస్పాన్స్ వచ్చింది. మరి మైల్ స్టోన్ మూవీకి ఎవరు దర్శకత్వం అనేది అఫీషియల్ ప్రకటన వస్తే గాని తెలియదు.