సివి రెడ్డి ‘ఆఖరి ముద్దు’

నిర్మాత, దర్శకుడు సి.వి రెడ్డి ఓ చిత్రానికి దర్శకత్వం వహించనున్నారు. సమాజంలోని సమస్యను తీసుకుని ఆలోచింపజేసేలా కథను తయారు చేసి ఈ సినిమాను తెరకెక్కించనున్నారు. సీవీ ఆర్ట్స్ బ్యానర్ పై ఈ సినిమాను ఎనిమిది సంవత్సరాల తరువాత నిర్మిస్తున్నారు. కరోనా టైమ్ లో కథను తయారు చేసుకున్న సివి రెడ్డి దీనికి ‘ఆఖరి ముద్దు’ అన్న పేరు నిర్ణయించారు. ఈ కథ తనని బాగా ప్రభావిత చేసిందని, ముఖ్యంగా సమాజానికి మార్గదర్శకం కావాలనే ఉద్దేశ్యంతో తీయబోతున్నట్లు చెబుతున్నారు. ప్రస్తుతం నటీనటులు, సాంకేతిక నిపుణుల ఎంపిక జరుగుతుందని, డిసెంబర్ నుంచి షూటింగ్ మొదలు అవుతుందట.

గతంలో తెలుగులో పది చిత్రాలతో పాటు కన్నడ, తమిళ బాషలలో సినిమాలు నిర్మించారు. దర్శకుడుగా, రచయితగా, నిర్మాతగా సినిమాలు తీసిన సివి రెడ్డి ‘బదిలి’ చిత్రానికి ఆంధ్ర ప్రదేశ్ ప్రభుత్వం నుంచి నంది అవార్డు అందుకున్నారు. ‘పెళ్లి గోల, విజయరామరాజు, శ్వేత నాగు, ఆడుతూ పడుతూ’ లాంటి హిట్ చిత్రాలను తీయటమే కాదు నేషనల్ ఫిలిమ్ అవార్డ్స్ కమిటీ మెంబర్ గా, ఇండియన్ పనోరమా కమిటీ మెంబెర్ గా, ప్రతిష్టాత్కమైన ఆస్కార్ కమిటీకి చైర్మన్ గా గౌరవ ప్రదమైన సేవలందించారు సివి రెడ్డి. ఇప్పుడు ‘ఆఖరి ముద్దు’ సినిమాకు కథ, స్క్రీన్ ప్లే, మాటలు సమకూర్చటంతో పాటు, దర్శకత్వం వహిస్తూ స్వయంగా నిర్మిస్తున్నారు.