Dhanush Political Entry : తమిళనాడు రాజకీయాల్లోకి ధనుష్.. పార్టీ పేరు ఇదే?

తమిళ చిత్రసీమకు చెందిన ప్రముఖ కథానాయకుడు ధనుష్ త్వరలోనే రాజకీయ అరంగేట్రం చేసేందుకు సన్నాహాలు చేసుకుంటున్నట్లు కోలీవుడ్‌తో పాటు తమిళనాడు రాజకీయ వర్గాల్లో ప్రచారం జోరందుకుంది. తమిళనాడు రాజకీయాల్లో సినీ తారల ప్రవేశం కొత్తేమీ కాదు. ఇటీవల కాలంలో  స్టార్ హీరో విజయ్ ప్రత్యక్ష ఎన్నికల్లో పోటీచేసి సీఎంగా ఎన్నికయ్యారు. దాంతో  తమిళ సినీ స్టార్స్ కు రాజకీయాల వైపు అడుగులు వేస్తున్నట్టు తెలుస్తోంది.

ఈ తరుణంలో ధనుష్ కూడా పొలిటికల్ ఎంట్రీ ఇచ్చేందుకు రెడీ అవుతున్నాడని సమాచారం. అందుకోసమే ఆల్రెడీ స్పెషల్ ‘IT Wing’ ను ఏర్పాటు చేసుకున్నాడు ధనుష్. ఇక లేటెస్ట్ గా తమిళ మీడియా నుండి వస్తున్న సమాచారం ప్రకారం ధనుష్ రాజకీయ ఎంట్రీ కోసం రంగం సిద్దమైనట్టు తెలుస్తోంది. అందుకోసం ‘తమిళగ ఎళుచ్చి కళగం’ అనే పేరుతో ఆయన కొత్త రాజకీయ పార్టీని ఏర్పాటు చేస్తున్నట్లు తెలుస్తోంది. ఈ పొలిటికల్ ఎంట్రీకి సంబంధించి ధనుష్ ఇప్పటికే కేంద్ర ఎన్నికల సంఘం వద్ద పార్టీ పేరును నమోదు చేయించినట్లు నివేదికలు తెలుపుతున్నాయి. గత కొన్ని రోజులుగా తన అభిమాన సంఘాలను బలోపేతం చేసే పనిలో ఉన్న ధనుష్, ఇటీవల అభిమానులు తయారు చేసిన ఒక ప్రత్యేక జండా కూడా ఆవిష్కరించారు. దీంతో ఆయన రాజకీయ ప్రవేశ వార్తలకు మరింత బలం చేకూరింది. త్వరలోనే ధనుష్ తన కొత్త పార్టీకి సంబంధించిన పేరు, జెండా, విధానాలపై అధికారిక ప్రకటన చేసే అవకాశం ఉందని ఆయన సన్నిహిత వర్గాల సమాచారం. తమిళ రాజకీయ విశ్లేషకులతో పాటు ధనుష్ ఫ్యాన్స్ కూడా ఈ పరిణామాన్ని ఆసక్తిగా గమనిస్తున్నారు.