Dhanush: మృణాల్ ఠాకూర్‌ ప్రేమకు బ్రేక్? డేటింగ్ రూమర్స్ తర్వాత కొత్త ట్విస్ట్ ఇదేనా!

Dhanush : ధనుష్ వ్యక్తిగత జీవితం మరోసారి సోషల్ మీడియాలో హాట్ టాపిక్‌గా మారింది. కొద్ది నెలలుగా ప్రముఖ నటి మృణాల్ ఠాకూర్‌తో ఆయన డేటింగ్ చేస్తున్నారనే వార్తలు వినిపిస్తున్న సంగతి తెలిసిందే. అయితే ఇప్పుడు ఆ ప్రచారానికి మరో ట్విస్ట్ జతైంది. ప్రేమలో ఉన్నారని వస్తున్న ఊహాగానాలు ఇంకా నిర్ధారణ కాకముందే, ఈ ఇద్దరూ విడిపోయారనే వార్తలు చక్కర్లు కొడుతున్నాయి. దీంతో అసలు వీరిద్దరి మధ్య నిజంగా ఏం జరిగిందనే చర్చ సోషల్ మీడియాలో జోరుగా సాగుతోంది. గత కొన్ని నెలలుగా ధనుష్, మృణాల్ ఠాకూర్ మధ్య సాన్నిహిత్యం పెరిగిందనే ప్రచారం జరిగినప్పటికీ, ప్రస్తుతం ఆ సంబంధానికి ముగింపు పలికినట్లు సమాచారం. అయితే ఈ వార్తలపై ఇప్పటివరకు ఇద్దరిలో ఎవరూ అధికారికంగా స్పందించలేదు. అలాగే విడిపోవడానికి గల అసలు కారణం కూడా బయటకు రాలేదు.

ఇటీవలి కాలంలో ధనుష్, మృణాల్ కలిసి కొన్ని కార్యక్రమాల్లో కనిపించడం, ఒకరితో ఒకరు స్నేహపూర్వకంగా మాట్లాడుకోవడం వల్లే ఈ డేటింగ్ రూమర్స్‌ వైరల్ గా మారినట్లు తెలుస్తోంది. ముఖ్యంగా మృణాల్ నటించిన ‘సన్ ఆఫ్ సర్దార్ 2’ ప్రీమియర్‌కు ధనుష్ హాజరుకావడం తర్వాత ఈ ప్రచారం మరింత వేగం అందుకుంది. ఆ తర్వాత ఆమె ధనుష్ సిస్టర్ ఇన్‌స్టాగ్రామ్‌ ని  ఫాలో అవ్వడంతో, వారిద్దరి మధ్య స్నేహం కంటే ఎక్కువే ఏదో ఉండవచ్చని అభిమానులు భావించారు. అయితే ఇద్దరూ ఎప్పుడూ తమ సంబంధంపై ఎలాంటి వ్యాఖ్యలు చేయకపోవడంతో ఈ వార్తలు నిజమా కాదా అన్నది ఇప్పటికీ స్పష్టత రాలేదు. అందుకే ఇది ఒక గాసిప్ గా మిగిలిపోతోంది.

ఇక ధనుష్ వ్యక్తిగత జీవితం విషయానికి వస్తే, ఆయన సూపర్ స్టార్ రజనీకాంత్ కుమార్తె ఐశ్వర్య రజనీకాంత్‌ను 2004లో వివాహం చేసుకున్నారు. ఈ దంపతులకు యాత్ర, లింగ అనే ఇద్దరు కుమారులు ఉన్నారు. దాదాపు రెండు దశాబ్దాల పాటు కలిసి జీవించిన తర్వాత ఇద్దరూ విడిపోగా, 2024లో వారి విడాకులు అధికారికంగా ఖరారయ్యాయి. అప్పటి నుంచి ధనుష్ వ్యక్తిగత జీవితంపై తరచూ రకరకాల ఊహాగానాలు వినిపిస్తూనే ఉన్నాయి.

కెరీర్ పరంగా మాత్రం ధనుష్ వరుస చిత్రాలతో బిజీగా ఉన్నారు. ఇటీవల విడుదలైన ‘కారా’ చిత్రంలో ఆయన నటనకు మంచి స్పందన లభించింది. ప్రస్తుతం రాజ్‌కుమార్ పెరియసామి దర్శకత్వంలో తెరకెక్కుతున్న ‘ఓం’ సినిమాలో నటిస్తున్నారు. ఈ చిత్రంలో మమ్ముట్టి, సాయిపల్లవి, శ్రీలీల కీలక పాత్రల్లో కనిపించనుండగా, 2026 అక్టోబర్ 16న విడుదల చేయాలని ప్లాన్ చేస్తున్నారు. అలాగే దర్శకులు తమిళరసన్ పచ్చముత్తు, మారి సెల్వరాజ్‌లతో కూడా కొత్త ప్రాజెక్టులు ఆయన చేతిలో ఉన్నాయి.

మరోవైపు మృణాల్ ఠాకూర్ కూడా వరుస సినిమాలతో బిజీగా కొనసాగుతున్నారు. ఇటీవల వరుణ్ ధావన్, పూజా హెగ్డేలతో కలిసి ‘హై జవానీ తో ఇష్క్ హోనా హై’ చిత్రంలో కీలక పాత్ర పోషించారు. దక్షిణాదితో పాటు బాలీవుడ్‌లో కూడా తనకంటూ ప్రత్యేక గుర్తింపు సంపాదించుకున్న ఆమె, ప్రస్తుతం పలు క్రేజీ ప్రాజెక్టులతో ముందుకు సాగుతున్నారు. అయితే ధనుష్, మృణాల్ ఠాకూర్ డేటింగ్, బ్రేకప్ వార్తల విషయంలో ఇప్పటివరకు ఎలాంటి అధికారిక ప్రకటన రాలేదు. అందువల్ల ప్రస్తుతం సోషల్ మీడియాలో వైరల్ అవుతున్న సమాచారం మొత్తం ఊహాగానాలుగానే పరిగణించాలి. ఇద్దరిలో ఎవరైనా స్పందించిన తర్వాతే ఈ వార్తల్లో ఎంత నిజం ఉందో స్పష్టత వచ్చే అవకాశం ఉంది.