Deadpool & Wolverine: దుమ్ము దులిపేస్తున్న డెడ్ పుల్ అండ్ వాల్వ‌రిన్

Break Even Collections Deadpool & Wolverine: హాలీవుడ్ నుంచి ఏమైనా సినిమా రిలీజ్ అవుతుంది అనగానే ఆ సినిమా ఎలా ఆయిన సరే చూడాలి అనుకుంటారు. మరి ముఖ్యంగా మర్వెల్ నుంచి వస్తుంది అంటే అది వేరే లెవెల్ హైప్ ఉంటుంది.ఇక ఇప్పుడు ఇదే స్టూడియోస్ నుంచి డెడ్‌పుల్‌, డెడ్‌పుల్ 2 సినిమాల‌కు సీక్వెల్‌గా ‘డెడ్‌పుల్ అండ్ వాల్వ‌రిన్’ జులై 26న విడుదలైంది అన్న సంగతి తెలిసిందే. ప్రస్తుతం ఈ సినిమా బాక్సాఫీస్‌ వద్ద భారీ కలెక్షన్లతో దుమ్మురేపుతుంది. కేవలం మూడు రోజుల్లోనే ప్రపంచవ్యాప్తంగా రూ. 3670 కోట్ల వ‌సూళ్ల‌ను రాబ‌ట్టి రికార్డ్‌ క్రియేట్‌ చేసిన చిత్రంగా నిలిచింది. భారత్‌లో కూడా ఇప్పటి వరకు రూ. 65 కోట్లకు పైగానే క‌లెక్ష‌న్స్ రాబట్టింది. అయితే ఈ సినిమా నిర్మాణం కోసం రూ. 1675 కోట్లు ఖర్చు చేసినట్లు తెలుస్తోంది.

Also Read:Sangharsana: ఆగస్టు రేసులో మరో చిన్న సినిమా

ర‌య‌న్ రెనాల్డ్స్, హుయ్ జాక్ మెన్ ముఖ్య పాత్ర‌లుగా తెర‌కెక్కిన ఈ సినిమా విడుద‌లైన మూడు రోజుల్లోనే ప్ర‌పంచ మూవీ బాక్స్ ఫీస్ ని షేక్ చేస్తుంది. దాదాపుగా మూడు రోజుల్లో 3670 కోట్లు క‌లెక్ట్ చేసి కాసుల వ‌ర‌ద సృష్టించింది. ఇండియాలో కూడా డెడ్ పుల్ అండ్ వాల్విరిన్ క‌లెక్ష‌న్ల హ‌వా కొన‌సాగుతుంది. మరీ ముఖ్యంగా తెలుగులో ఈ సినిమాకు మార్వెల్ మూవీ అభిమానుల అద‌ర‌ణ ద‌క్కింది. తెలుగు డ‌బ్బింగ్ వెర్ష‌న్ లో ఉన్న టైమ్లీ డైలాగులు అభిమానుల్ని విశేషంగా ఆకట్టుకున్నాయి. డెడ్ పుల్ పాత్ర‌దారు ర‌య‌న్ రెనాల్డ్స్ ప‌లికిన ప్ర‌తి సంభాష‌ణ‌కి సంబంధించిన తెలుగు డ‌బ్బింగ్ ఆద్యంతం హాస్యాన్ని పండించింది. దీంతో ఈ సినిమాకు విడుద‌లైన రోజు నుంచి తెలుగులో విశేషాద‌ర‌ణ ల‌భిస్తుంది. ఇక ఇదే కంటిన్యూ చేస్తే భరత్ లో ఈ వారం గడిచేసరికి 100కోట్లు కలెక్షన్స్ సాధిస్తుంది అనడంలో ఎటువంటి సందేహం లేదు.