Collie : 24 గంటల్లోనే ఊహించని టికెట్ బుకింగ్స్ – రికార్డులు తిరగరాసిన ‘కూలీ’

సూపర్‌స్టార్ రజనీకాంత్ రెంజ్ మళ్లీ బాక్సాఫీస్ వద్ద అద్భుతాలు సృష్టిస్తోంది. లోకేశ్ కనకరాజ్ దర్శకత్వంలో తెరకెక్కిన ‘కూలీ’ విడుదలైన వెంటనే ప్రేక్షకులను ఉర్రూతలూగిస్తోంది. భారీ అంచనాల నడుమ థియేటర్లలో రిలీజ్ అయిన ఈ సినిమా, మొదటి రోజే మైండ్-బ్లోయింగ్ కలెక్షన్స్ సాధించి రికార్డులను తిరగరాసింది. ఇప్పుడు రెండో రోజుకీ అదే రేంజ్‌లో రాంపేజ్ కొనసాగిస్తూ ఫ్యాన్స్‌ను పండగ మూడ్‌లోకి తీసుకెళ్లింది.. తాజాగా బుక్ మై షో నుంచి వచ్చిన అప్‌డేట్ ప్రకారం, గత 24 గంటల్లోనే 5,72,870 టికెట్లు బుక్ అయ్యాయి. ఇది నిజంగా మైండ్-బ్లోయింగ్ రికార్డు. డే 1 లోనే ఘన విజయం సాధించిన ఈ చిత్రం, డే లోనూ అదే రేంజ్ హంగామా చేస్తుంది.

Also Read : SSMB 29 : సెట్స్ నుండి లీక్ అయిన మహేష్ బాబు – ప్రియాంక చోప్రా అరుదైన పిక్

రజనీకాంత్ ఎనర్జీ, నాగార్జున స్పెషల్ అట్రాక్షన్, లోకేష్ మాసివ్ ప్రెజెంటేషన్ కలిసిపోవడంతో అభిమానులు ‘కూలీ’కి ఆల్‌టైమ్ బ్లాక్‌బస్టర్ ట్యాగ్ కట్టేశారు. “మాసివ్ అనడం చాలదు, ఇది సునామీ లాంటి రాంపేజ్” అంటూ సోషల్ మీడియాలో ఫ్యాన్స్ కామెంట్ చేస్తున్నారు. ‘సన్ పిక్చర్స్’ నిర్మించిన ఈ భారీ యాక్షన్ ఎంటర్‌టైనర్, తెలుగు సహా అన్ని భాషల్లోనూ కలెక్షన్స్‌లో దూసుకుపోతోంది. విడుదలైన ప్రతి షో హౌస్‌ఫుల్ అవ్వడం, అడ్వాన్స్ బుకింగ్స్‌తో థియేటర్లు నిండిపోవడం చూస్తుంటే, రాబోయే రోజుల్లో కలెక్షన్లు ఇంకా ఎలాంటి సెన్సేషన్ సృష్టిస్తాయో అన్నది ఇప్పుడు ఆసక్తికరంగా మారింది.