OTT Movies : ఓటీటీలో సందడి చేస్తోన్న హిట్ మూవీస్

సమ్మర్‌లో రిలీజైన ఈ హిట్ సినిమాలు.. ప్రస్తుతం ఓటీటీలో సందడి చేస్తున్నాయి. అందులో తమిళ స్టార్ హీరో సూర్య నటించిన కరుప్పు స్టార్ ఆఫ్ ది వీక్ గా ఓటీటీ స్ట్రీమింగ్ కు వచ్చింది. సూర్య హిట్ కొట్టి ఏళ్లు గడిచిపోయాయి. అప్పుడెప్పుడో వచ్చిన గ్యాంగ్ తర్వాత నో హిట్. సూరారై పొట్రు, జై భీమ్ మంచి రెస్పాన్స్ వచ్చినప్పటికీ ఆ సినిమాలు ఓటీటీకి పరిమితమయ్యాయి. ఆ తర్వాత కంగువా, రెట్రో అంటూ ప్రయోగాలు చేసి ఫ్యాన్స్‌ను హర్ట్ చేశాడు. కానీ కరుప్పు నడిప్పిన్ నాయగన్ డై హార్ట్ ఫ్యాన్స్‌ ఆకలి తీర్చింది. ఏకంగా రూ. 340 కోట్లు కొల్లగొట్టింది. ఐపీఎల్ సీజన్ తట్టుకుని మరీ సక్సెస్ బాట పట్టింది మూవీ.

అక్షయ్ కుమార్‌కు సాలిడ్ సక్సెస్ దక్కట్లేదు. సోలో ఫెర్ఫామెన్స్ ఇచ్చినా, మల్టీస్టారర్స్‌తో కామెడీ చేస్తున్నా వర్కౌట్ కావట్లేదు. ఓ మైగాడ్2 తర్వాత వరుస ఫ్లాప్స్ చూస్తూ ఫామ్, మార్కెట్ కోల్పోతున్నాడు. ఆ టైంలోనే ఓల్డ్ స్కూల్ మాస్టర్ ప్రియదర్శన్‌తో కొలబరేటై.. హారర్ కామెడీ భూత్ బంగ్లాతో హిట్ కొట్టాడు. భూత్ బంగ్లాకు తొలుత రొటీన్ కథ అంటూ నెగిటివ్ కామెంట్స్ వినిపించినప్పటికీ.. కామెడీ వర్కౌట్ కావడంతో స్లోగా పుంజుకుని సక్సెస్ దిశగా దూసుకెళ్లింది. ఐపీఎల్ ఫీవర్ ఉన్నా.. ధురంధర్2 కంటిన్యూ అవుతున్నా తట్టుకుని నిలబడి రూ. 250 కోట్లు కొల్లగొట్టింది.

మలయాళ యంగ్ హీరో షేన్ నిగమ్ నటించిన లేటెస్ట్ సినిమా ద్రిదమ్. థియేటర్ లో ఓ మాదిరి హిట్ గా నిలిచిన ఈ సినిమా హాట్ స్టార్ లో స్ట్రీమింగ్ అవుతోంది. కథ, స్క్రీన్ ప్లే ట్విస్ట్ లతో ఓటీటీ ఆడియెన్స్ ను ఆకట్టుకుంటోంది. ముఖ్యంగా ఈ సినిమా క్లైమాక్స్ లో వచ్చే ట్విస్ట్ ఆశ్చర్యపరుస్తుంది. హాట్ స్టార్ లో టాప్ లో ట్రేండింగ్ అవుతున్న ద్రిదమ్ మస్ట్ వాచ్ ఫిల్మ్.