The PARADISE : ‘ది ప్యారడైజ్’ ఓవర్‌సీస్ సెకండాఫ్ కంటెంట్.. సమయం లేదు మిత్రమా

నేచురల్ స్టార్ నాని నటిస్తున్న మోస్ట్ ఎవైటెడ్ చిత్రం ‘ది ప్యారడైజ్’ మరికొన్ని గంటల్లో భారీ ఎత్తున రిలీజ్ కు రెడీ అవుతోంది. అయితే ఓవర్‌సీస్ కంటెంట్ ఇంకా వెళ్ళలేదు. చివరి నిమిషం వర్క్స్ ఇంకా జరుగుతూనే ఉన్నాయి. దాంతో ప్రింట్ ఇంకా డెలివరీ కాలేదు. జెట్ స్పీడ్ లో వర్క్స్ ఫినిష్ చేసి కంటెంట్ లోడ్ చేసే ప్రక్రియ వేగంగా జరుగుతోంది. సినిమాకు సంబంధించిన మొదటి సగం తెలుగు కంటెంట్ లాక్ చేసి లోడ్ చేసి ఇచ్చేసారు. ఈ కంటెంట్‌ను రిలీజ్ కు ప్లాన్ చేసిన అన్ని ఎలక్ట్రానిక్ లొకేషన్లకు పంపించే ప్రక్రియ శరవేగంగా కొనసాగుతోంది.

అయితే సెకండాఫ్ ఇంకా పెండింగ్ ఉంది. ద్వితీయార్థం ఫైనల్ కంటెంట్ కరెక్షన్స్ జరుగుతున్నాయి. దర్శకుడు శ్రీకాంత్ ఓదెల నిమిషం కూడా గ్యాప్ లేకుండా వర్క్ చేస్తున్నాడు. గత రాత్రి జరిగిన ప్రీరిలీజ్ ఈవెంట్ కు కూడా శ్రీకాంత్ హాజరుకాకుండా సినిమాకు సంబందించిన వర్క్స్ చూసుకుంటున్నాడు. మరికొన్ని గంటల్లో సెకండాఫ్ కంటెంట్ ‘క్యూబ్ లో లోడ్ చేయనున్నారు. కంటెంట్ అందిన తర్వాత, మాస్టరింగ్ పూర్తి చేసి అప్‌లోడ్ చేయడానికి క్యూబ్‌కు సుమారు 4 నుండి 5 గంటల సమయం పడుతుంది. ఓవర్‌సీస్‌లోని అన్ని డిజిటల్/ఎలక్ట్రానిక్ థియేటర్ లొకేషన్లకు సాయంత్రం లోగా తెలుగు కంటెంట్ చేరుకుంటుంది. ఇక హార్డ్ డిస్క్‌ల ద్వారా కంటెంట్ ప్రదర్శించే లొకేషన్లకు ఈ రోజు రాత్రి లేదా బుధవారం ఉదయానికల్లా హార్డ్ డ్రైవ్‌లు అందుబాటులోకి వచ్చే అవకాశం ఉంది. ఇతర భాషల (తమిళం, హిందీ, మలయాళం, కన్నడ) కంటెంట్ గురువారం రోజు వెళ్లే అవకాశం ఉంది. రిమైనింగ్ లాంగ్వేజెస్ షోస్ కొన్ని క్యాన్సిల్ అయ్యే అవకాశం లేకపోలేదు.