పవర్ స్టార్ పవన్ కళ్యాణ్ రీఎంట్రీ మూవీ ‘వకీల్ సాబ్’. వేణు శ్రీరామ్ దర్శకత్వంలో దిల్ రాజు నిర్మించిన ఈ చిత్రం ఏప్రిల్ 9న విడుదలై బ్లాక్ బస్టర్ హిట్ అయ్యింది. ఈ సినిమాలో అనన్య నాగళ్ళ, నివేతా థామస్, అంజలి కీలక పాత్రలు పోషించగా పవన్ కి జోడీగా శృతి హాసన్ కనిపించింది. ప్రకాష్ రాజ్ లాయర్ గా ఓ పవర్ ఫుల్ రోల్ లో కనిపించారు. ప్రస్తుతం అమెజాన్ ప్రైమ్ లో స్ట్రీమ్ అవుతున్న ఈ సినిమాలోని వీడియో సాంగ్స్ ను వరుసగా విడుదల చేస్తున్నారు మేకర్స్. తాజాగా ‘వకీల్ సాబ్’ నుంచి సూతింగ్ రొమాంటిక్ మెలోడీ ‘కంటిపాప’ వీడియో సాంగ్ ను విడుదల చేశారు. పవన్ కళ్యాణ్, శృతి హాసన్ లపై చిత్రీకరించిన ఈ సాంగ్ ను అర్మాన్ మాలిక్, దీపు, థమన్ ఆలపించారు. రామజోగయ్య శాస్త్రి అందించిన లిరిక్స్ ప్రేమికులను బాగా ఆకట్టుకుంటున్నాయి. మీరు కూడా థమన్ సంగీతం అందించిన ఈ సూతింగ్ రొమాంటిక్ మెలోడీ ‘కంటిపాప’ వీడియో సాంగ్ ను వీక్షించండి.
