The Paradise Collections: యాహూ ‘జడల్’ 2 మిలియన్ కొట్టేశాడు.. కానీ ఇక కష్టమే!

The Paradise 4 Days Collections: ‘ది ప్యారడైజ్’ సినిమాకు నార్త్ అమెరికాలో అదిరిపోయే రెస్పాన్స్ వస్తోంది. మాస్ యాక్షన్ ఎంటర్‌టైనర్‌గా ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద దూసుకెళుతోంది. నార్త్ అమెరికా మార్కెట్‌లో ప్యారడైజ్ గ్రాస్ వసూళ్లు 2 మిలియన్ డాలర్ల మార్క్‌ను దాటింది. ఈ విషయాన్ని మేకర్స్ అధికారికంగా ప్రకటించారు. ప్యారడైజ్ చిత్రంకు మొదటి రోజు నుంచి నెగిటివ్ టాక్ వచ్చినా.. 2 మిలియన్ మార్క్ దాటడం విశేషం. ఓవైపు నెగిటివ్ టాక్, మరోవైపు వీకెండ్ పూర్తవ్వడంతో.. కలెక్షన్ల జోరు తగ్గే అవకాశాలు ఉన్నాయి.

ఇక ప్యారడైజ్ మూవీ నాలుగు రోజుల్లో ప్రపంచవ్యాప్తంగా రూ.155 కోట్ల గ్రాస్ వసూళ్లను సాధించింది. ఈ మేరకు చిత్ర యూనిట్ అధికారిక పోస్టర్ రిలీజ్ చేసింది. కర్ణాటకలో రూ.10 కోట్ల కలెక్షన్స్ దాటాయి. హిందీ మార్కెట్‌లో రూ.7 కోట్ల నెట్ కలెక్షన్స్ సాధించడం విశేషం. నాని కెరీర్‌లో హిందీ మార్కెట్‌లో ఈ స్థాయిలో వసూళ్లు రావడం ఇదే మొదటిసారి. నెగిటివ్ టాక్ మధ్య మరి లాంగ్ రన్‌లో ప్యారడైజ్ బాక్సాఫీస్ నెంబర్ ఎక్కడి వరకు వెళ్తుందో చూడాలి. దర్శకుడు శ్రీకాంత్ ఓదెల తెరకెక్కించిన ప్యారడైజ్‌లో నేచురల్ స్టార్ నాని ప్రధాన పాత్రలో నటించారు. ఇందులో మోహన్‌ బాబు, కయాడు లోహర్, సంపూర్ణేష్ బాబు కీలక పాత్ర పోషించారు.