Gaddam Prasad: ఇచ్చిన మాట నిలబెట్టుకున్న స్పీకర్.. బలగం సినిమా ఫేమ్ కు ఆర్థిక సహాయం!

తెలంగాణ రాష్ట్ర శాసన సభాపతి గడ్డం ప్రసాద్ కుమార్ ఇచ్చిన మాట నిలబెట్టుకున్నారు. బలగం సినిమా ఫేమ్ కొమురమ్మకు లక్ష రూపాయల ఆర్ధిక సహాయం చేశారు స్పీకర్ గడ్డం ప్రసాద్ కుమార్. కొద్ది రోజుల క్రితం రాష్ట్ర రవాణా శాఖ మంత్రి పొన్నం ప్రభాకర్ తండ్రి పొన్నం సత్తయ్య స్మారక అవార్డు సభలో పాల్గొన్న రాష్ట్ర శాసన సభాపతి గడ్డం ప్రసాద్ కుమార్ బలగం ఫేమ్ కొమురమ్మ, మొగిలయ్య ల ఆర్ధిక పరిస్థితికి చలించి తన నెల జీతం నుండి లక్ష రూపాయలు ఇస్తానని హామీ ఇచ్చారు.

Zubeida: షాకింగ్ : దెయ్యంలా మారిన బాలీవుడ్ నటి?

ఇచ్చిన మాట ప్రకారం ఈరోజు మినిస్టర్ క్వార్టర్స్ లోని తన అధికార నివాసంలో అసెంబ్లీ స్పీకర్ ప్రసాద్ కుమార్, మంత్రి పొన్నం ప్రభాకర్ సోదరుడు పొన్నం రవిచంద్రతో కలిసి కొమురమ్మకి లక్ష రూపాయల చెక్కును అందజేశారు. ఈ సందర్భంగా కొమురమ్మ తనకి పెన్షన్ ఇప్పించాలని కోరగా సంబంధిత మంత్రి జూపల్లి కృష్ణ రావు తో మాట్లాడి ఇప్పించేందుకు కృషి చేస్తానని హామీ ఇచ్చారు. తమ పరిస్థితి కి చలించి ఇచ్చిన మాట ప్రకారం లక్ష రూపాయల చెక్కు ను అందచేసిన సభాపతి ప్రసాద్ కుమార్ గారికి ధన్యవాదాలు తెలిపిన కొమురమ్మ తన భర్త మొగిలయ్యకు మెరుగైన వైద్య చికిత్సకు కోసం ఈ డబ్బులు ఉపయోగిస్తానని తెలిపారు.