Drugs Case : డ్రగ్స్ కేసులో ట్విస్ట్…నాకు సంబంధం లేదంటున్న నటుడు!

తమిళనాడులో వెలుగులోకి వచ్చిన ఒక డ్రగ్స్ కేసులో కొత్త ట్విస్ట్ తెరపైకి వచ్చింది. నిజానికి, శ్రీకాంత్ అలియాస్ శ్రీరామ్ అనే నటుడు డ్రగ్స్ తీసుకుంటున్నట్లు తేలడంతో పోలీసులు అతడిని అరెస్టు చేశారు. అతడి ద్వారా కొంత సమాచారం తెలియడంతో, ఈ కేసులో కృష్ణ అనే మరో నటుడిని కూడా ఈ రోజు ఉదయం పోలీసులు అదుపులోకి తీసుకున్నారు. అతడు కూడా డ్రగ్స్ వాడినట్లు ముందు నుంచి ప్రచారం జరిగింది.

Also Read: Raashi Khanna : టాప్ లెస్ ట్రీట్ ఇస్తున్న రాశిఖన్నా..

ఈ రోజు ఉదయం నుంచి అతడిని పోలీసులు విచారిస్తుండగా, కొన్ని ఆసక్తికర విషయాలు బయటపడినట్లు తెలుస్తోంది. ఈ డ్రగ్స్ కేసుతో తనకు సంబంధం లేదని కృష్ణ వెల్లడించినట్లు చెబుతున్నారు. శ్రీరామ్ తన స్నేహితుడు మాత్రమేనని, 2018 నుంచి తాను తీవ్రమైన అలర్జీతో బాధపడుతున్నానని, డ్రగ్స్ వాడే అవకాశం లేదని అతడు తేల్చి చెప్పినట్లు తెలుస్తోంది.

Also Read: Chiranjeevi- Nagarjuna : చిరు-నాగ్ కాంబోలో మల్టీస్టారర్.. అలా మిస్ అయింది..

అలాగే, తనను అరెస్టు చేసినట్లు ప్రచారం జరగడంపై కూడా కృష్ణ అసంతృప్తి వ్యక్తం చేశాడు. తనకు సంబంధించిన మెడికల్ రిపోర్టులను న్యాయవాదులకు, పోలీసులకు చూపించినట్లు తెలుస్తోంది. ఈ రోజు విచారణలో భాగంగా కృష్ణ రక్త నమూనాలను పోలీసులు సేకరించారు. వైద్య పరీక్షల ఫలితాల ఆధారంగా తదుపరి చర్యలు తీసుకునే ఆలోచనలో ఉన్నట్లు తెలుస్తోంది.