మిల్కీ బ్యూటీ తమన్నాకు, స్టార్ హీరోయిన్ కాజల్ కు మధ్య చక్కని స్నేహం ఉంది. అందుకే కాజల్ నటించిన తమిళ చిత్రం ‘ఘోస్టీ’ ఫస్ట్ లుక్ పోస్టర్ ను తమన్నా సోషల్ మీడియా ద్వారా ఆవిష్కరించింది. ప్రభుదేవాతో ‘గులేబకావళి’, జ్యోతికతో ‘జాక్ పాట్’ చిత్రాలను రూపొందించిన కళ్యాణ్ ఇప్పుడు కాజల్ నాయికగా ఉమెన్ సెంట్రిక్ మూవీని తెరకెక్కిస్తున్నాడు. ఇందులో కాజల్ పోలీస్ అధికారిణిగా నటిస్తోంది. ఈ హారర్ ఫాంటసీ డార్క్ కామెడీ మూవీలో యోగిబాబు, ఊర్వశి, దేవదర్శిని, శ్రీమాన్ తదితరులు కీలక పాత్రలు పోషిస్తున్నారు. తనను ఇబ్బంది పెట్టే దెయ్యాలను ఈ పోలీస్ ఆఫీసర్ ఎలా దానికి తెచ్చిందన్నదే ఈ చిత్రకథ. సామ్ సిఎస్ సంగీతాన్ని అందించిన ఈ సినిమాను తెలుగులోనూ ‘ఘోస్టీ’ పేరుతో విడుదల చేయబోతున్నారు నిర్మాతలు సుదర్శన్ సుందరమ్, జి. జయరాం.
