Suvarna Textiles : ఇదేం అరాచకం అయ్యా!

టాలీవుడ్‌లో యువతను ఆకట్టుకునే సరికొత్త చిత్రాల సందడి మొదలైంది. తాజాగా ‘సువర్ణ టెక్స్టైల్స్’ అనే వైవిధ్యమైన టైటిల్‌తో రూపొందుతున్న సినిమా ఫస్ట్ లుక్ పోస్టర్ విడుదలై అందరి దృష్టిని ఆకర్షిస్తోంది. యూత్‌ఫుల్ ఎంటర్‌టైనర్‌గా తెరకెక్కుతున్న ఈ సినిమా ఫస్ట్ లుక్ ప్రస్తుతం సోషల్ మీడియాలో వైరల్ అవుతోంది. శివకుమార్ రామచంద్రవరపు, డిబోరా డోరిస్ ఫెల్ ప్రధాన పాత్రల్లో నటిస్తున్న ఈ చిత్రానికి ప్రశాంత్ నామిని కథ మరియు దర్శకత్వం వహిస్తున్నారు. ఈ చిత్రాన్ని ఏ.వై.వి. ప్రొడక్షన్స్ మరియు సనాతన క్రియేషన్స్ సంయుక్తంగా నిర్మిస్తున్నాయి. నిర్మాత అనిల్ ఈరుగుదిండ్ల ఈ ప్రాజెక్ట్‌ను ఎక్కడా రాజీ పడకుండా నిర్మిస్తున్నారు.

దర్శకుడు ప్రశాంత్ నామిని ఈ కథను మలచిన తీరు చాలా కొత్తగా ఉంటుందని చిత్ర యూనిట్ చెబుతోంది. ముఖ్యంగా యువతకు కనెక్ట్ అయ్యేలా అడల్ట్ కామెడీని, సమకాలీన అంశాలను జోడించి ఈ చిత్రాన్ని ఆసక్తికరంగా రూపొందిస్తున్నట్లు సమాచారం. ఈ చిత్రం త్వరలోనే సెట్స్ మీదకు వెళ్లనుంది. కేవలం రెండు షెడ్యూల్స్‌లోనే చిత్రీకరణను పూర్తి చేయాలని ప్లాన్ చేస్తున్నారు. నిర్మాతలు ఈ సినిమాను ఆగస్టు నెలలో ప్రేక్షకుల ముందుకు తీసుకురావడానికి సన్నాహాలు చేస్తున్నారు. ఫస్ట్ లుక్ పోస్టర్‌కు లభిస్తున్న రెస్పాన్స్ చూస్తుంటే, సినిమాపై అంచనాలు భారీగానే ఉన్నాయని నిర్మాత అనిల్ ఆశాభావం వ్యక్తం చేశారు.