Female characters : స్ట్రాంగ్ ఫీమేల్ క్యారెక్టర్స్ డిజైన్ చేస్తోన్న తమిళ్ ఇండస్ట్రీ
- Follow Us :
-
-
Add as a preferred
source on google
హీరోయిన్స్‌కు స్ట్రాంగ్ క్యారెక్టర్స్ దొరకడం చాలా అరుదు. దొరికితే కచ్చితంగా హీరోలను డామినేట్ చేసేస్తారు అందులో నో డౌట్. తమిళంలో రీసెంట్ టైమ్స్‌లో అలాంటి కొన్ని ఫీమేల్ రోల్స్ మెస్మరైజ్ చేస్తున్నాయి. అఫ్ కోర్స్ థాయి కిళవి ఫీమేల్ సెంట్రిక్ ఫిల్మే అయినప్పటికీ.. పవన్ తాయిగా రాధికా శరత్ కుమార్ నటనను అంత ఈజీగా మర్చిపోలేరు తమిళ తంబీలు. రాధిక నటనే కానీ, మేకప్ కోసం ఆమె పడ్డ కష్టమే కానీ టాప్ నాచ్ అంతే. విశ్వనాథ్ అండ్ సన్స్‌లో కూడా మంచి స్కోప్ ఉన్న పాత్ర దక్కింది సీనియన్ నటీమణికి.
ఇప్పటి వరకు గ్లామర్ రోల్స్‌కే పరిమితమైన ప్రీతి ముకుందన్‌‌లోని అసలు సిసలైన ఫెర్ఫామెన్స్ బయటకు తీసిన సినిమా బ్లాస్ట్. పేరుకు అర్జున్ సార్జా హీరో కానీ ఇందులో స్ట్రాంగ్ లేడీగా విలన్స్‌ను రప్ఫాడించే సగటు యువతిగా కనిపించి ఆకట్టుకుంది ప్రీతి. అలా అని అభిరామిని తక్కువగా చూపించలేదు. ఆమెకివ్వాల్సిన స్కోప్ ఆమెకు ఇచ్చేశాడు డైరెక్టర్. లోకేశ్ కనగరాజ్ హీరోగా రీసెంట్లీ విడుదలై బ్లాక్ బస్టర్ హిట్ కొట్టిన డీసీలో వామికా గబ్బీ రోల్‌ను స్ట్రాంగ్‌గా డిజైన్ చేశాడు దర్శకుడు అరుణ్ మాథేశ్వరన్. చంద్ర పాత్రలో ఆమె నటించిన తీరు ప్రేక్షకుల్ని బాగా ఆకట్టుకుంది. సూర్య ఉన్నాడంటే మరొకరి స్కోప్ ఉండదు.. స్క్రీన్ ప్రజెన్స్ అంతా తన నటనతో నమిలేస్తాడు. అలాంటిది విశ్వనాథ్ అండ్ సన్స్‌లో మమితా బైజుకు స్కోప్ ఉన్న పాత్ర రాశాడు వెంకీ అట్లూరీ. మ్యాడీ రోల్‌లో ఎనర్జటిక్‍గా నటించి ఆడియన్స్ అటెన్షన్ తన వైపు తిప్పుకుంది మమిత. ఇదే కాదు 29లో ప్రీతి ఆస్రానీ క్యారెక్టర్, విత్ లవ్‌లో అనశ్వర రాజన్ రోల్స్ కూడా హీరోలతో సమానంగా క్యారెక్టర్స్ డిజైన్ చేశారు మేకర్స్. హీరోయిన్ క్యారెక్టర్స్ స్ట్రాంగ్ ఉండాలంటే ఫీమేల్ ఓరియెంట్ చిత్రాలే అవసరం లేదని ఫ్రూవ్ చేస్తున్న తమిళ్ మేకర్స్‌ను చూసి.. తెలుగు మేకర్స్ ఇన్ స్పైర్ అవుతారా..?