వరుస చిత్రాలతో దూసుకెళ్తున్న సూపర్ స్టార్ రజని ప్రస్తుతం జైలర్ 2 షూటింగ్ ముగించే పనిలో ఉన్నారు. ఓ వైపు షూటింగ్ చేస్తూనే మరోవైపు క్రేజీ దర్శకులతో సరికొత్త ప్రాజెక్ట్లను లైన్లో పెడుతున్నారు సూపర్ స్టార్. తాజాగా రజనీ నెక్స్ట్ సినిమాకు సంబంధించిన ఒక ఆసక్తికరమైన అప్డేట్ ఫిలిం సర్కిల్స్లో తెగ హల్చల్ చేస్తోంది. యూనివర్సల్ హీరో కమల్ హాసన్కు చెందిన ప్రతిష్టాత్మక నిర్మాణ సంస్థ రాజ్ కమల్ ఫిలిం ఇంటర్నేషనల్ పతాకంపై రజనీకాంత్ ఓ సినిమా చేస్తున్న సంగతి తెలిసిందే. చాలా కాలం క్రితం అనౌన్స్ చేసిన ఈ సినిమాకు డైరక్టర్స్ మారుతూ వస్తున్నారు. సుందర్ సి డైరెక్షన్ లో ప్రకటించిన ఈ సినిమాకు ఆ తర్వాత సీబీ చక్రవర్తి, నెల్సన్ దిలీప్ కుమార్ పేర్లు వినిపించాయి.
కానీ ఇప్పుఫు ఫైనల్ గా ఓ మై కడవులే’, ‘డ్రాగన్’ చిత్రాల ఫేమ్ యంగ్ అండ్ టాలెంటెడ్ డైరెక్టర్ అశ్వత్ మారిముత్తు ఈ భారీ యాక్షన్ డ్రామాను డైరెక్ట్ చేస్తున్నాడు. ప్రస్తుతం ఈ ప్రాజెక్ట్కు సంబంధించిన పనులు శరవేగంగా జరుగుతున్నాయి. అందులో భాగంగానే చెన్నై సమీపంలోని పూనమల్లిలో ఈ సినిమా కోసం భారీ సెట్ల నిర్మాణం శరవేగంగా సాగుతోంది. అన్ని అనుకున్నట్టుగా జరిగితే ఈ నెల చివరి నాటికే ఈ ల్యాండ్మార్క్ మూవీ రెగ్యులర్ షూటింగ్ను ప్రారంభించేందుకు చిత్ర యూనిట్ ప్లాన్ చేస్తోంది.ఇక అసలు విషయానికి వస్తే.. తాజాగా ఈ సినిమా కోసం రజనీకాంత్పై ఒక ప్రత్యేకమైన ఫోటోషూట్ నిర్వహించినట్లు తెలుస్తోంది. రజనీకాంత్ డాక్టర్ లుక్ లో కనిపించనున్నట్టు సమాచారం. రజనీకాంత్ కెరీర్లో చాలా కాలం తర్వాత డాక్టర్ లుక్ లో దర్శనమివ్వబోతున్నాడు. ఈ ఫోటోషూట్ పిక్స్తో పాటు, సినిమాకు సంబంధించిన అధికారిక ప్రకటన ను మేకర్స్ త్వరలో విడుదల చేయనున్నారు.