రాజేశ్ ఖన్నా VS బిగ్ బి! ఒరిజినల్ సూపర్ స్టార్ VS న్యూ సూపర్ స్టార్!

బాలీవుడ్ లో సూపర్ స్టార్ అన్న పేరు వినిపించగానే ఈ తరం వారికి షారుఖ్ నుంచీ రణబీర్ దాకా బోలెడు మంది హీరోలు గుర్తుకు వస్తారు. కానీ, నిన్నటి తరం వార్ని సూపర్ స్టార్ అని అడిగితే అమితాబ్ బచ్చన్ పేరు చెబుతారు. ఇంకా ముందు తరం వార్ని అడిగితే రాజేశ్ ఖన్నా అంటారు! నిజానికి ఆయనకు ‘ఒరిజినల్ సూపర్ స్టార్ ఆఫ్ బాలీవుడ్’ అనే టైటిల్ కూడా ఉంది!
రాజేశ్ ఖన్నా సూపర్ స్టార్ గా ఓ వెలుగు వెలుగుతున్నప్పుడే అమితాబ్ బచ్చన్ ఎంట్రీ ఇచ్చాడు. క్రమక్రమంగా ఎదిగాడు. రాజేశ్ ఖన్నా తరువాత బాలీవుడ్ లో సూపర్ స్టార్ అనిపించుకున్నాడు. అయితే, ఖన్నాకి, బచ్చన్ కి మధ్య తొలినాళ్లలో అంతగా పొసిగేది కాదని అంటుంటారు. అంతే కాదు, రాజేశ్ ఖన్నా మధ్యలో తెరకి దూరమయ్యాడు. మళ్లీ 2018లో ‘వఫా’ అనే సినిమాతో రీఎంట్రీ ఇచ్చాడు. అప్పుడు ఆయన్ని మీడియా ప్రతినిదులు అమితాబ్ బచ్చన్ గురించి అడిగారు. రాజేశ్ ఖన్నా నటన నుంచీ తప్పుకోక పోయి ఉంటే బిగ్ బి సూపర్ స్టార్ అయ్యి ఉండే వాడే కాదు కదా అని అడిగారు!
అమితాబ్ గురించి పాజిటివ్ గానే మాట్లాడిన రాజేశ్ ఖన్నా ఆయన తన కృషితో ఎదిగాడని అన్నాడు. అంతే కాదు, బిగ్ బి వల్ల పరిశ్రమతో పాటూ ప్రేక్షకులు కూడా గర్విస్తారని మెచ్చుకున్నాడు. అయితే, ఆయన సక్సెస్ చూసి తాను ఎంత ఆనందిస్తానో అంతగా ఈర్ష్య కూడా చెందుతానని సరదాగా రాజేశ్ ఖన్నా మీడియాతో వ్యాఖ్యానించాడు!